ਜਲੰਧਰ, 19 ਜੁਲਾਈ (ਜਸਪਾਲ ਸਿੰਘ)- ਸੀ.ਟੀ. ਯੂਨੀਵਰਸਿਟੀ ਨੇ ਵਿਸ਼ਵ ਇਮੋਜੀ ਦਿਵਸ ਨੂੰ ਪੂਰੇ ਉਤਸ਼ਾਹ ਤੇ ਰਚਨਾਤਮਕਤਾ ਨਾਲ ਮਨਾਇਆ ਜਿਸ ਵਿੱਚ ਫੈਕਲਟੀ ਤੇ ਸਟਾਫ ਨੇ ਵਧ ਚੜ੍ਹ ਕੇ ਭਾਗ ਲਿਆ | ਕੈਂਪਸ ਵਿੱਚ ਇਕ ਵੱਖਰੀ ਹੀ ਉਰਜਾ ਦੇਖਣ ਨੂੰ ਮਿਲੀ, ਜਿੱਥੇ ਇਮੋਜੀ ਡਿਜੀਟਲ ਯੁੱਗ ਦੀ ਸਰਵੋਤਮ ਭਾਸ਼ਾ ਰਾਹੀਂ ਭਾਵਨਾਵਾਂ ਨੂੰ ਖੁੱਲ੍ਹੇ ਦਿਲ ਨਾਲ ਪ੍ਰਗਟ ਕੀਤਾ ਗਿਆ | ਇਮੋਜੀ ਥੀਮ 'ਤੇ ਆਧਾਰਿਤ ਖੇਡਾਂ, ਮਨੋਰੰਜਕ ਗਤੀਵਿਧੀਆਂ ਤੇ ਦਿਲਚਸਪ ਮੁਕਾਬਲਿਆਂ ਨੇ ਹਰ ਇੱਕ ਦੇ ਚਿਹਰੇ 'ਤੇ ਮੁਸਕਾਨ ਲਿਆਂਦੀ | ਇਸ ਪ੍ਰੋਗਰਾਮ ਦਾ ਮਕਸਦ ਭਾਵਨਾਤਮਕ ਪ੍ਰਗਟਾਵੇ ਤੇ ਰਚਨਾਤਮਕਤਾ ਨੂੰ ਉਤਸ਼ਾਹਿਤ ਕਰਨਾ ਤੇ ਸੀ.ਟੀ. ਪਰਿਵਾਰ ਵਿਚ ਆਪਸੀ ਸੰਚਾਰ ਤੇ ਸੰਬੰਧਾਂ ਨੂੰ ਮਜ਼ਬੂਤ ਕਰਨਾ ਸੀ | ਇਸ ਮੌਕੇ ਵਾਇਸ ਚਾਂਸਲਰ ਡਾ. ਨਿਤਿਨ ਟੰਡਨ, ਰਜਿਸਟ੍ਰਾਰ ਸ੍ਰੀ ਸੰਜੇ ਖੰਡੂਰੀ, ਡੀਨ ਅਕੈਡਮਿਕਜ਼ ਡਾ. ਸਿਮਰਨਜੀਤ ਕੌਰ ਗਿੱਲ ਤੇ ਡਾਇਰੈਕਟਰ, ਸਟੂਡੈਂਟ ਵੈਲਫੇਅਰ ਇੰਜੀਨੀਅਰ ਦਵਿੰਦਰ ਸਿੰਘ ਵੀ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ |
