ਆਦਮਪੁਰ, 19 ਜੁਲਾਈ (ਰਮਨ ਦਵੇਸਰ) - ਆਦਮਪੁਰ ਨਗਰ ਕੌਂਸਲ ਦੇ ਕਾਰਜ ਸਾਧਕ ਅਫ਼ਸਰ ਰਾਮਜੀਤ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂ ਸ਼ਹਿਰ ਵਾਸੀਆਂ ਨੂੰ ਸੁਨਹਿਰੀ ਮੌਕਾ ਦਿੰਦੇ ਹੋਏ ਸਾਲ 2013-14 ਤੋਂ ਹੁਣ ਤੱਕ ਲਈ ਮਿਤੀ 31/07/2025 ਤੱਕ ਪਿਛਲੇ ਰਹਿੰਦੇ ਬਕਾਏ ਤੇ ਵਿਆਜ ਤੇ ਪੇਨੈਲਟੀ ਤੋ ਛੋਟ ਦਿੱਤੀ ਗਈ ਹੈ | ਇਸ ਲਈ ਨਗਰ ਕੌਂਸਲ ਆਦਮਪੁਰ ਦੀ ਹਦੂਦ ਅੰਦਰ ਆਉਂਦੇ ਤਮਾਮ ਪ੍ਰਾਪਰਟੀ ਮਾਲਕਾਂ ਨੂੰ ਵਾਰ-ਵਾਰ ਅਪੀਲ ਕੀਤੀ ਗਈ ਹੈ ਕਿ ਦਫ਼ਤਰ ਨਗਰ ਕੋਸ਼ਲ ਵਿਖੇ ਆਪਣੀ ਪ੍ਰਾਪਰਟੀ ਟੈਕਸ ਅਦਾ ਕਰ ਕੇ ਵਿਆਜ ਤੇ ਪੇਨੈਲਟੀ ਦੀ ਛੋਟ ਦਾ ਲਾਭ ਪ੍ਰਾਪਤ ਕਰਨ | ਪ੍ਰਾਪਰਟੀ ਟੈਕਸ ਜਮ੍ਹਾਂ ਨਾ ਕਰਵਾਉਣ ਦੀ ਸੂਰਤ 'ਚ ਇਹ ਰਕਮ ਵਸੂਲ ਕਰਨ ਲਈ ਪੰਜਾਬ ਮਿਊਾਸੀਪਲ ਐਕਟ 1911 ਦੀਆ ਵੱਖ-ਵੱਖ ਧਾਰਾਵਾਂ ਅਨੁਸਾਰ ਪ੍ਰਾਪਰਟੀ ਟੈਕਸ ਦੇ ਡਿਫਾਲਟਰਾਂ ਦੇ ਪ੍ਰਾਪਰਟੀ ਨੂੰ ਸੀਲਿੰਗ ਕਰਨ ਸੰਬੰਧੀ ਕਾਨੂੰਨੀ ਕਾਰਵਾਈ ਅਮਲ 'ਚ ਲਿਆਂਦੀ ਜਾਵੇਗੀ |
