ਗੁਰਾਇਆ,15ਜੁਲਾਈ (ਬਲਵਿੰਦਰ ਸਿੰਘ)-ਇੱਥੇ ਮਿਉਂਸੀਪਲ ਪੈਨਸ਼ਨਰਜ਼ ਯੂਨੀਅਨ ਵਲੋਂ ਮੀਟਿੰਗ ਕੀਤੀ ਗਈ , ਜਿਸ ਵਿਚ ਯੂਨੀਅਨ ਦੇ ਪ੍ਰਧਾਨ ਪ੍ਰੇਮ ਨਾਥ , ਜਨਰਲ ਸਕੱਤਰ ਤਾਰਾ ਸਿੰਘ , ਉਪ ਪ੍ਰਧਾਨ ਸਤਪਾਲ ਮਹਿਮੀ , ਲਲਿਤ ਕੁਮਾਰ ਖ਼ਜ਼ਾਨਚੀ , ਸ਼ਿਵ ਦਾਸ ਕਾਰਜਕਾਰੀ ਮੈਂਬਰ ਹਾਜ਼ਰ ਸਨ | ਮੀਟਿੰਗ ਦੌਰਾਨ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਜੋ ਸਾਡਾ 66 ਮਹੀਨੇ ਦਾ ਬਕਾਇਆ ਹੈ, ਇਕ ਕਿਸ਼ਤ ਵਿਚ ਦਿੱਤਾ ਜਾਵੇ , ਜੋ ਸਾਡੇ ਕੱਚੇ ਮੁਲਾਜ਼ਮ , ਠੇਕੇ 'ਤੇ ਹਨ, ਉਹ ਮੁਲਾਜ਼ਮ ਪਹਿਲ ਦੇ ਆਧਾਰ ਤੇ ਪੱਕੇ ਕੀਤੇ ਜਾਣ, ਪੁਰਾਣੀ ਪੈਨਸ਼ਨ ਬਹਾਲ ਕੀਤੀ ਜਾਵੇ | ਜੇਕਰ ਸਰਕਾਰ ਨੇ ਸਾਡੀਆਂ ਮੰਗਾ ਨਾ ਮੰਨੀਆਂ ਤਾਂ ਅਸੀਂ ਸਰਕਾਰ ਖ਼ਿਲਾਫ਼ ਸੰਘਰਸ਼ ਕਰਾਂਗੇ |