ਗੁਰਾਇਆ, 15 ਜੁਲਾਈ (ਬਲਵਿੰਦਰ ਸਿੰਘ)-ਦੇਸ਼ ਭਰ 'ਚ ਕਾਂਵੜੀਏ ਕਰੋੜਾਂ ਦੀ ਗਿਣਤੀ 'ਚ ਹਰਿਦੁਆਰ ਤੋਂ ਮਾਂ ਗੰਗਾ ਦਾ ਪਵਿੱਤਰ ਜਲ ਲੈ ਕੇ ਆਪਣੇ ਪੂਜਨੀਕ ਭੋਲੇਨਾਥ ਨੂੰ ਅਰਪਣ ਕਰਨ ਲਈ ਦੇਸ਼ ਦੀਆਂ ਸੜਕਾਂ 'ਤੇ ਨਿਕਲੇ ਹੋਏ ਹਨ | ਇਸੇ ਤਹਿਤ ਇੱਥੋਂ ਸ਼ਿਵ ਗੰਗਾ ਕਾਂਵੜ ਸੰਘ ਵੀ ਆਪਣੀ ਸਾਲਾਨਾ ਕਾਂਵੜ ਯਾਤਰਾ ਲਈ ਰਿਸ਼ੀਕੇਸ਼ ਅਤੇ ਹਰਿਦੁਆਰ ਪੁੱਜੇਗਾ ਅਤੇ ਉੱਥੋਂ ਮਾਂ ਗੰਗਾ ਦਾ ਜਲ ਲੈ ਕੇ 23 ਜੁਲਾਈ ਨੂੰ ਵਾਪਸ ਆਵੇਗਾ | ਜਾਣਕਾਰੀ ਦਿੰਦਿਆਂ ਸ਼ਿਵ ਗੰਗਾ ਕਾਂਵੜ ਸੰਘ ਦੇ ਪ੍ਰਧਾਨ ਮਨਜੀਤ ਕੁਮਾਰ ਮੱਕੜ ਨੇ ਦੱਸਿਆ ਕਿ 23 ਜੁਲਾਈ ਨੂੰ ਸਾਵਣ ਸ਼ਿਵਰਾਤਰੀ ਦੇ ਪਵਿੱਤਰ ਮੌਕੇ 'ਤੇ ਮਾਂ ਗੰਗਾ ਦਾ ਪਵਿੱਤਰ ਕਾਂਵੜ ਜਲ ਸ਼੍ਰੀ ਰਾਮ ਮੰਦਰ, ਰਿਸ਼ੀ ਕੁਟੀਆ ਵਿਖੇ ਸਥਿਤ ਭਗਵਾਨ ਭੋਲੇਨਾਥ ਦੇ ਮੰਦਰ ਦੇ ਪਵਿੱਤਰ ਸ਼ਿਵਿਲੰਗ 'ਤੇ ਸਾਰੇ ਭਗਤਾਂ ਵਲੋਂ ਅਰਪਿਤ ਕੀਤਾ ਜਾਵੇਗਾ | ਇਸ ਦੌਰਾਨ ਉਨ੍ਹਾਂ ਦੇ ਨਾਲ ਖ਼ਜ਼ਾਨਚੀ ਚੰਦਰ ਮੋਹਨ ਗੋਇਲ, ਮਹਾਂ ਮੰਤਰੀ ਰਮਿਤ ਸ਼ਰਮਾ ਅਤੇ ਹੋਰ ਹਾਜ਼ਰ ਸਨ |