ਮੈਲਬੋਰਨ, 18 ਨਵੰਬਰ (ਪਰਮਵੀਰ ਸਿੰਘ ਆਹਲੂਵਾਲੀਆ)-ਅੱਜ ਆਸਟਰੇਲੀਆ ਦੀ ਹਵਾਈ ਪ੍ਰਣਾਲੀ 'ਚ ਆਈ ਤਕਨੀਕੀ ਖਰਾਬੀ ਕਾਰਨ ਦੇਸ਼ ਭਰ 'ਚ ਕਈ ਉਡਾਣਾਂ ਦੇਰੀ ਦਾ ਸ਼ਿਕਾਰ ਹੋਈਆਂ | ਏਅਰ ਸਰਵਿਸਿਜ਼ ਆਸਟਰੇਲੀਆ ਨੇ ਬਿਆਨ ਜਾਰੀ ਕਰਦਿਆਂ ਦੱਸਿਆ ਕਿ ਇਹ ਖਰਾਬੀ ਮੈਲਬੋਰਨ ਏਅਰ ਟ੍ਰੈਫ਼ਿਕ ਸਰਵਿਸ ਸੈਂਟਰ ਵਿਚ ਆਈ ਜਿਸ ਨਾਲ ਦੱਖਣੀ ਹਵਾਈ ਖੇਤਰ ਦੀਆਂ ਉਡਾਣਾਂ ਸਭ ਤੋਂ ਵੱਧ ਪ੍ਰਭਾਵਿਤ ਹੋਈਆਂ | ਪ੍ਰਾਪਤ ਜਾਣਕਾਰੀ ਮੁਤਾਬਕ, ਉਡਾਣਾਂ ਦੇ ਫਲਾਈਟ ਪਲਾਨ ਸਿਸਟਮ 'ਚ ਆਟੋਮੈਟਿਕ ਤਰੀਕੇ ਨਾਲ ਦਰਜ ਨਹੀਂ ਹੋ ਰਹੇ ਸਨ ਜਿਸ ਕਾਰਨ ਇਹ ਪ੍ਰਕਿਰਿਆ ਹੱਥਾਂ ਨਾਲ ਕਰਨੀ ਪੈ ਰਹੀ ਹੈ |