ਟੋਰਾਂਟੋ, 18 ਨਵੰਬਰ (ਸਤਪਾਲ ਸਿੰਘ ਜÏਹਲ)-ਕੈਨੇਡਾ 'ਚ ਲਿਬਰਲ ਪਾਰਟੀ ਦੀ ਘੱਟ ਗਿਣਤੀ ਸਰਕਾਰ ਦਾ ਸੰਸਦ 'ਚ ਪੇਸ਼ ਕੀਤਾ ਗਿਆ ਬਜਟ ਬੀਤੇ ਕੱਲ੍ਹ 2 ਵੋਟਾਂ ਦੇ ਫਰਕ (170-168) ਨਾਲ ਪਾਸ ਹੋਇਆ ਜਿਸ ਨਾਲ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਸਰਕਾਰ ਡਿਗਣ ਤੇ ਚੋਣਾਂ ਹੋਣ ਦੀਆਂ ਕਿਆਸ ਅਰਾਈਆਂ ਖਤਮ ਹੋਈਆਂ | ਵੋਟਿੰਗ ਸਮੇਂ ਵਿਰੋਧੀ ਧਿਰ, ਕੰਜ਼ਰਵੇਟਿਵ ਪਾਰਟੀ ਤੇ ਨਿਊ ਡੈਮੋਕਰੇਟਿਕ ਪਾਰਟੀ (ਐਨ.ਡੀ.ਪੀ.) ਦੇ ਕੁੱਲ 4 (ਦੋ-ਦੋ) ਮੈਂਬਰ ਸਦਨ 'ਚੋਂ ਗੈਰਹਾਜ਼ਰ ਰਹੇ ਜਦਕਿ ਗਰੀਨ ਪਾਰਟੀ ਦੀ ਇਕੋ ਇਕ ਸੰਸਦ ਮੈਂਬਰ ਏਲਿਜਾਬੈਥ ਮੇਅ ਨੇ ਬਜਟ ਦੇ ਹੱਕ ਵਿਚ ਵੋਟ ਪਾਈ | ਇਸ ਤਰ੍ਹਾਂ ਵਿਰੋਧੀ ਪਾਰਟੀਆਂ ਦੇ ਸਿੱਧੇ ਤੇ ਅਸਿੱਧੇ ਸਹਿਯੋਗ ਸਦਕਾ ਬਜਟ ਪਾਸ ਹੋ ਗਿਆ ਤੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਸਰਕਾਰ ਦਾ ਬਚਾਅ ਹੋ ਗਿਆ | ਵਿਰੋਧੀ ਪਾਰਟੀਆਂ ਵਲੋਂ ਬਜਟ ਦੀ ਕਰੜੀ ਆਲੋਚਨਾ ਤਾਂ ਕੀਤੀ ਜਾਂਦੀ ਰਹੀ ਪਰ ਵੋਟ ਸਮੇਂ ਖੁਲ੍ਹਾ ਵਿਰੋਧ ਕਰਨ ਤੋਂ ਕਈ ਸੰਸਦ ਮੈਂਬਰ ਝਿਜਕਦੇ ਨਜ਼ਰ ਆਏ |