ਨਵੀਂ ਦਿੱਲੀ, 15 ਜੁਲਾਈ (ਪੀ.ਟੀ.ਆਈ.)-ਦਿੱਲੀ ਹਾਈ ਕੋਰਟ ਨੇ 56 ਵੈਬਸਾਈਟਾਂ ਨੂੰ ਟਿਪਸ ਫਿਲਮਜ਼ ਲਿਮਟਿਡ ਵਲੋਂ ਨਿਰਮਿਤ ਨਵੀਆਂ ਰਿਲੀਜ਼ ਹੋਈਆਂ ਬਾਲੀਵੁੱਡ ਫਿਲਮਾਂ 'ਮਾਲਿਕ' ਅਤੇ 'ਸਰਬਲਾ ਜੀ' ਨੂੰ ਗੈਰ-ਕਾਨੂੰਨੀ ਤੌਰ 'ਤੇ ਸਟਰੀਮ ਕਰਨ ਤੋਂ ਰੋਕ ਦਿੱਤਾ ਹੈ | ਜਸਟਿਸ ਅਮਿਤ ਬਾਂਸਲ ਨੇ ਵੈਬਸਾਈਟਾਂ ਨੂੰ ਢੁਕਵੇਂ ਅਧਿਕਾਰ ਤੋਂ ਬਿਨਾਂ ਨਿਰਮਾਤਾ ਨਾਲ ਸੰਬੰਧਿਤ ਕਿਸੇ ਵੀ ਕਾਪੀਰਾਈਟ ਸਮੱਗਰੀ ਦੀ ਮੇਜ਼ਬਾਨੀ, ਸਟਰੀਮਿੰਗ ਜਾਂ ਵੰਡਣ ਤੋਂ ਵਰਜਿਆ ਹੈ | ਵੈਬਸਾਈਟਾਂ ਨੂੰ ਰਾਜਕੁਮਾਰ ਰਾਓ, ਮਾਨੁਸ਼ੀ ਛਿੱਲਰ ਅਭਿਨੀਤ ਫਿਲਮ 'ਮਾਲਿਕ' ਤੇ ਐਮੀ ਵਿਰਕ ਤੇ ਗਿੱਪੀ ਗਰੇਵਾਲ ਅਭਿਨੀਤ ਫਿਲਮ 'ਸਰਬਲਾ ਜੀ' ਅਤੇ 18 ਜੁਲਾਈ ਨੂੰ ਰਿਲੀਜ਼ ਹੋਣ ਵਾਲੀਆਂ ਫਿਲਮਾਂ ਨੂੰ ਸਟਰੀਮ ਕਰਨ ਤੋਂ ਰੋਕਦੇ ਹੋਏ, ਅਦਾਲਤ ਨੇ ਮੁਦਈ ਨੂੰ ਸੰਭਾਵੀ ਨਾ ਪੂਰਾ ਹੋਣ ਵਾਲਾ ਨੁਕਸਾਨ ਦੇਖਿਆ | ਅਦਾਲਤ ਨੇ ਅਗਲੀ ਸੁਣਵਾਈ 17 ਨਵੰਬਰ ਨੂੰ ਤੈਅ ਕੀਤੀ | ਅਦਾਲਤ ਨੇ ਭਾਰਤ ਭਰ ਦੇ ਇੰਟਰਨੈੱਟ ਸੇਵਾ ਪ੍ਰਦਾਤਾਵਾਂ ਨੂੰ 56 ਵੈੱਬਸਾਈਟਾਂ ਤੱਕ ਪਹੁੰਚ ਨੂੰ ਤੁਰੰਤ ਬਲਾਕ ਕਰਨ ਦੇ ਨਿਰਦੇਸ਼ ਦਿੱਤੇ |