ਗੋਲਫਰ ਦੀਕਸ਼ਾ ਡਾਗਰ ਨੇ ਡੈਫਲਿੰਪਿਕਸ ਵਿਚ ਸੋਨ ਤਗਮਾ ਜਿੱਤਿਆ <br/>

ਟੋਕੀਓ, 20 ਨਵੰਬਰ (ਪੀ.ਟੀ.ਆਈ.)-ਭਾਰਤੀ ਗੋਲਫਰ ਦੀਕਸ਼ਾ ਡਾਗਰ ਨੇ ਡੈਫਲਿੰਪਿਕਸ ਵਿਚ ਫਾਈਨਲ ਰਾਊਾਡ ਵਿਚ ਸ਼ਾਨਦਾਰ 11-ਅੰਡਰ ਦਾ ਸਕੋਰ ਕਰਕੇ ਵੱਡੇ ਫਰਕ ਨਾਲ ਜਿੱਤ ਪ੍ਰਾਪਤ ਕੀਤੀ ਅਤੇ ਆਪਣਾ ਸੋਨ ਤਗਮਾ ਬਰਕਰਾਰ ਰੱਖਿਆ | ਦੀਕਸ਼ਾ ਨੇ ਪਾਰ-72 ਵਾਕਾਸੂ ਗੋਲਫ ਲਿੰਕਸ ਵਿਚ 68, 65, 72 ਦੇ ਰਾਊਾਡ ਬਣਾਏ ਅਤੇ ਮਹਿਲਾ ਵਿਅਕਤੀਗਤ ਸਟ੍ਰੋਕਪਲੇ ਮੁਕਾਬਲੇ ਵਿਚ 14-ਸਟ੍ਰੋਕ ਦੇ ਵੱਡੇ ਫਰਕ ਨਾਲ ਪੋਡੀਅਮ 'ਤੇ ਸਿਖਰ 'ਤੇ ਰਹੀ | ਦੀਕਸ਼ਾ, ਜਿਸਨੇ 2021 ਡੈਫਲਿੰਪਿਕਸ ਵਿਚ ਸੋਨ ਤਮਗਾ ਤੇ 2017 ਖੇਡਾਂ ਦੇ ਐਡੀਸ਼ਨ ਵਿਚ ਚਾਂਦੀ ਦਾ ਤਮਗਾ ਜਿੱਤਿਆ ਸੀ, ਨੇ ਤਿੰਨ ਦਿਨਾਂ ਦਾ ਕੁੱਲ 11-ਅੰਡਰ 205 ਦਾ ਸਕੋਰ ਬਣਾਇਆ | ਫਰਾਂਸ ਦੀ ਮਾਰਗੌਕਸ ਰੇਜ਼ੋ ਤਿੰਨ-ਓਵਰ 219 ਦੇ ਕੁੱਲ ਸਕੋਰ ਨਾਲ ਦੂਜੇ ਸਥਾਨ 'ਤੇ ਰਹੀ, ਉਸ ਤੋਂ ਬਾਅਦ ਕੈਨੇਡਾ ਦੀ ਏਰਿਕਾ ਡਾਨ ਰਿਵਾਰਡ ਪੰਜ-ਓਵਰ 221 ਦੇ ਸਕੋਰ ਨਾਲ ਦੂਜੇ ਸਥਾਨ 'ਤੇ ਰਹੀ | 24 ਸਾਲਾ ਖਿਡਾਰਨ ਨੇ ਪਹਿਲੇ ਦਿਨ ਚਾਰ-ਅੰਡਰ 68 ਦਾ ਸਕੋਰ ਬਣਾਇਆ ਸੀ, ਜੋ ਕਿ 21 ਖਿਡਾਰੀਆਂ ਦੇ ਫੀਲਡ ਵਿਚ ਇੱਕੋ ਇੱਕ ਸਬ-ਪਾਰ ਸਕੋਰ ਸੀ | ਦੀਕਸ਼ਾ ਨੇ ਕਿਹਾ ਕਿ ਮੈਂ ਡੈਫਲਿੰਪਿਕਸ ਵਿਚ ਲਗਾਤਾਰ ਦੋ ਸੋਨ ਤਗਮੇ ਜਿੱਤ ਕੇ ਬਹੁਤ ਖੁਸ਼ ਹਾਂ | ਮੁਕਾਬਲਾ ਹਰ ਸਾਲ ਔਖਾ ਹੁੰਦਾ ਜਾ ਰਿਹਾ ਹੈ |