ਕੌਂਸਲਰ ਜਗਜੀਤ ਸਿੰਘ ਨੇ ਇਕ ਦਿਨ ’ਚ 2 ਮੈਰਾਥਨ ਦੌੜ ਕੇ ਰਚਿਆ ਇਤਿਹਾਸ

ਲੰਡਨ, 4 ਅਕਤੂਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਸਮਾਜ ਸੇਵਾ ਕਰਨ ਦਾ ਵੀ ਆਪੋ ਆਪਣਾ ਢੰਗ ਹੁੰਦਾ ਹੈ, ਬੀਤੇ ਕਈ ਵਰ੍ਹਿਆਂ ਤੋਂ ਲਗਾਤਾਰ ਵੱਖ-ਵੱਖ ਸਮਾਜ ਸੇਵੀ ਸੰਸਥਾਵਾਂ ਲਈ ਮੈਰਾਥਨ ਦੌੜ ਰਹੇ ਕੌਂਸਲਰ ਜਗਜੀਤ ਸਿੰਘ ਨੇ ਬੀਤੇ ਦਿਨੀ ਨਵਾਂ ਇਤਿਹਾਸ ਰਚਿਆ ਹੈ। ਉਨ੍ਹਾਂ ਇਕ ਦਿਨ ਵਿਚ ਦੋ ਮੈਰਾਥਨ ਦੌੜੀਆਂ ਹਨ। ਜਗਜੀਤ ਸਿੰਘ ਨੇ ਕਿਹਾ ਕਿ ਇਹ ਮੈਰਾਥਨ ਹਿਲਿੰਗਡਨ ਕੌਂਸਲ ਦੇ ਮੇਅਰ ਦੀ ਚੈਰਿਟੀ ਹਿਲਿੰਗਡਨ ਆਰਟਿਸਟਿਕ ਕੇਅਰ ਐਂਡ ਸਪੋਰਟ ਸੰਸਥਾ ਦੀ ਮਾਲੀ ਸਹਾਇਤਾ ਕਰਨ ਲਈ ਦੌੜੀ ਹੈ।ਇਹ ਸੰਸਥਾ ਸਿੱਖਿਆ ਅਤੇ ਲੋੜਵੰਦ ਲੋਕਾਂ ਦੀ ਸਹਾਇਤਾ ਲਈ ਕੰਮ ਕਰਦੀ ਹੈ। ਇਹ ਮੈਰਾਥਨ ਫੌਨਿਕਸ ਰਨਿੰਗ ਆਰਗੇਨਾਈਜ਼ੇਸ਼ਨ ਵਲੋਂ ਵਾਲਟਨ ਰਨਿੰਗ ਐਥਲੈਟਿਕ ਕਲੱਬ ਦੇ ਸਹਿਯੋਗ ਨਾਲ ਕਰਵਾਈ ਗਈ। ਜ਼ਿਕਰਯੋਗ ਹੈ ਕਿ ਸੱਤ ਦਿਨਾਂ ਵਿਚ ਸੱਤ ਮਹਾਂਦੀਪਾਂ ਵਿਚ ਸੱਤ ਮੈਰਾਥਨ ਦੌੜ੍ਹ ਕੇ ਇਤਿਹਾਸ ਰਚਣ ਵਾਲੇ ਜਗਜੀਤ ਸਿੰਘ ਦੀ 84 ਕਿਲੋਮੀਟਰ ਦੀਆਂ ਦੋ ਮੈਰਾਥਨ ਦੌੜਨੀਆਂ ਵੀ ਇੱਕ ਵੱਡੀ ਪ੍ਰਾਪਤੀ ਹੈ। ਉਹ ਹੁਣ ਤੱਕ 600 ਤੋਂ ਵੱਧ ਮੈਰਾਥਨ ਦੌੜ ਚੁੱਕੇ ਹਨ।