ਖੰਨਾ, 20 ਨਵੰਬਰ (ਹਰਜਿੰਦਰ ਸਿੰਘ ਲਾਲ)- ਖੰਨਾ ਦੇ ਜੀ. ਟੀ. ਰੋਡ ਤੇ ਦਹੇੜੂੂ ਪਿੰਡ ਪੁਲ ਉਪਰ ਵਾਪਰੇ ਇਕ ਹਾਦਸੇ ਵਿਚ ਇੱਕ ਇਨੋਵਾ ਕਾਰ ਇੱਕ ਟੁੱਟੇ ਹੋਏ ਟਰੱਕ ਦੇ ਪਿਛਲੇ ਹਿੱਸੇ ਨਾਲ ਟਕਰਾ ਗਈ, ਜਿਸ ਕਾਰਨ ਇਨੋਵਾ ਵਿੱਚ ਸਵਾਰ ਅੱਠ ਲੋਕਾਂ ਵਿਚੋਂ ਚਾਰ ਜ਼ਖਮੀ ਹੋ ਗਏ, ਜਿਨ੍ਹਾਂ ਵਿੱਚ ਦੋ ਅÏਰਤਾਂ ਵੀ ਸ਼ਾਮਲ ਸਨ | ਅਜੇ ਕੁਮਾਰ ਨੇ ਦੱਸਿਆ ਕਿ ਉਹ ਮੇਰਠ ਤੋਂ ਵਾਪਸ ਆ ਰਹੇ ਸਨ | ਜਦੋਂ ਉਹ ਰਾਤ ਨੂੰ ਲਗਭਗ 1:45 ਵਜੇ ਦਹੇੜੂ ਪੁਲ 'ਤੇ ਪਹੁੰਚੇ ਤਾਂ ਉਨ੍ਹਾਂ ਦੇ ਅੱਗੇ ਜਾ ਰਹੀ ਗੱਡੀ ਦੇ ਡਰਾਈਵਰ ਨੇ ਅਚਾਨਕ ਮੋੜ ਕੱਟ ਲਿਆ | ਆਪਣੇ ਆਪ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿੱਚ, ਇਨੋਵਾ ਡਰਾਈਵਰ ਨੇ ਦੂਜੇ ਪਾਸੇ ਮੋੜ ਲਿਆ ਅਤੇ ਉੱਥੇ ਇੱਕ ਟੁੱਟਿਆ ਹੋਇਆ ਟਰੱਕ ਖੜ੍ਹਾ ਸੀ, ਜਿਸਦੇ ਪਿੱਛੇ ਇਨੋਵਾ ਫਸ ਗਈ | ਜ਼ਖਮੀ ਸੀਮਾ ਨੇ ਦੱਸਿਆ ਕਿ ਇਨੋਵਾ ਡਰਾਈਵਰ ਬੁਰੀ ਤਰ੍ਹਾਂ ਫਸਿਆ ਹੋਇਆ ਸੀ | ਪਰ ਉਸਨੇ ਹਿੰਮਤ ਨਹੀਂ ਹਾਰੀ ਅਤੇ ਉਨ੍ਹਾਂ ਨੂੰ ਬਾਹਰ ਨਿਕਲਣ ਲਈ ਕਹਿੰਦਾ ਰਿਹਾ | ਉਹ ਸਾਰੇ ਬਾਹਰ ਆਏ ਅਤੇ ਰਾਹਗੀਰਾਂ ਤੋਂ ਮਦਦ ਮੰਗੀ | ਉਦੋਂ ਤੱਕ ਸੜਕ ਸੁਰੱਖਿਆ ਬਲ ਵੀ ਆ ਗਿਆ ਸੀ | ਰਾਹਗੀਰਾਂ ਅਤੇ ਪੁਲਿਸ ਨੇ 2 ਘੰਟੇ ਦੀ ਮਿਹਨਤ ਤੋਂ ਬਾਅਦ ਡਰਾਈਵਰ ਵਿਜੇ ਨੂੰ ਬਾਹਰ ਕੱਢਿਆ | ਪਰ ਉਸ ਦੀ ਜਾਨ ਬਚ ਗਈ | ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ |
