ਏ. ਐਸ. ਹਾਈ ਸਕੂਲ ਖੰਨਾ ਟਰੱਸਟ ਦੀ ਮੀਟਿੰਗ 'ਚ ਹੋਈ ਗਰਮਾ-ਗਰਮੀ <br/>
ਅਜੀਤ ਡੈਸਕ
21-07-2025
• ਵੋਟਰਾਂ ਤੋਂ ਪ੍ਰਾਪਤ ਸਾਰੇ 9 ਪ੍ਰਸਤਾਵ ਰੱਦ - ਜਨਰਲ ਹਾਊਸ ਦੀ ਮੀਟਿੰਗ ਵਿਚ, ਵੋਟਰਾਂ ਵੱਲੋਂ ਸੰਸਥਾ ਨੂੰ ਭੇਜੇ ਗਏ 9 ਪ੍ਰਸਤਾਵਾਂ ਨੇ ਸਭ ਤੋਂ ਵੱਧ ਧਿਆਨ ਖਿੱਚਿਆ, ਜਿਸ ਵਿਚ ਹੋਰ ਮੁੱਦਿਆਂ ਦੇ ਨਾਲ, ਸੰਸਥਾ ਤੋਂ ਲਾਭ ਪ੍ਰਾਪਤ ਕਰਨ ਵਾਲੇ ਲਾਭਪਾਤਰੀਆਂ ਦੇ ਵੋਟਿੰਗ ਅਧਿਕਾਰ ਨੂੰ ਖ਼ਤਮ ਕਰਨ ਦਾ ਪ੍ਰਸਤਾਵ ਵੀ ਸ਼ਾਮਲ ਸੀ | ਵੋਟਰਾਂ ਤੋਂ ਪ੍ਰਾਪਤ ਇਸ ਪ੍ਰਸਤਾਵ ਵਿਚ, ਇਹ ਮੰਗ ਕੀਤੀ ਗਈ ਸੀ ਕਿ ਸੰਸਥਾ ਅਧੀਨ ਕੰਮ ਕਰਨ ਵਾਲੇ ਅਧਿਆਪਕਾਂ, ਸਟਾਫ਼, ਦੁਕਾਨਦਾਰਾਂ ਆਦਿ ਦੀਆਂ ਵੋਟਾਂ ਰੱਦ ਕੀਤੀਆਂ ਜਾਣ | ਜਨਰਲ ਸਕੱਤਰ ਰਾਜੇਸ਼ ਡਾਲੀ ਨੇ ਸਦਨ ਦੀ ਹਾਜ਼ਰੀ ਵਿਚ ਉਹ ਸਾਰੇ ਪ੍ਰਸਤਾਵ ਪੜ੍ਹੇ ਅਤੇ ਪ੍ਰਸਤਾਵ ਭੇਜਣ ਵਾਲੇ ਲੋਕਾਂ ਦੇ ਨਾਮ ਉਨ੍ਹਾਂ ਦੇ ਵੋਟ ਨੰਬਰਾਂ ਸਮੇਤ ਲੈ ਕੇ ਸਦਨ ਵਿਚ ਹਾਜ਼ਰੀ ਯਕੀਨੀ ਬਣਾਈ ਗਈ | ਪਰ ਪ੍ਰਸਤਾਵ ਭੇਜਣ ਵਾਲੇ ਜ਼ਿਆਦਾਤਰ ਬਿਨੈਕਾਰ ਗ਼ੈਰਹਾਜ਼ਰ ਪਾਏ ਗਏ | ਇਸ ਦੇ ਨਾਲ ਹੀ ਇਹ ਦੇਖਿਆ ਗਿਆ ਕਿ ਪ੍ਰਸਤਾਵ ਵਿਚ ਕੁੱਝ ਅਜਿਹੇ ਨਾਮ ਵੀ ਪੜ੍ਹੇ ਗਏ ਸਨ ਜੋ ਮੀਟਿੰਗ ਵਿਚ ਮੌਜੂਦ ਸਨ ਅਤੇ ਉਨ੍ਹਾਂ ਨੇ ਇਸ ਦਾ ਸਖ਼ਤ ਵਿਰੋਧ ਕੀਤਾ ਅਤੇ ਕਿਹਾ ਕਿ ਉਨ੍ਹਾਂ ਨੇ ਨਾ ਤਾਂ ਅਜਿਹੇ ਕਿਸੇ ਪ੍ਰਸਤਾਵ 'ਤੇ ਦਸਤਖ਼ਤ ਕੀਤੇ ਹਨ ਅਤੇ ਨਾ ਹੀ ਅਜਿਹੀ ਕੋਈ ਮੰਗ ਕੀਤੀ ਹੈ ਜਿਸ ਵਿਚ ਰਾਜ ਕੁਮਾਰ ਮੈਨਰੋ, ਸੁਧੀਰ ਜੋਸ਼ੀ ਅਤੇ ਹੋਰ ਬਹੁਤ ਸਾਰੇ ਲੋਕ ਸ਼ਾਮਲ ਸਨ, ਨਾਮ ਆਉਣ 'ਤੇ ਉਨ੍ਹਾਂ ਨੇ ਮੌਕੇ 'ਤੇ ਹੀ ਆਪਣੀ ਨਾਰਾਜ਼ਗੀ ਪ੍ਰਗਟ ਕੀਤੀ ਅਤੇ ਕਿਹਾ ਕਿ ਉਨ੍ਹਾਂ ਨੇ ਅਜਿਹੀ ਕਿਸੇ ਮੰਗ ਲਈ ਕਿਸੇ ਪ੍ਰਸਤਾਵ 'ਤੇ ਦਸਤਖ਼ਤ ਨਹੀਂ ਕੀਤੇ ਹਨ ਜਿਸ 'ਤੇ ਵੋਟਰਾਂ ਤੋਂ ਪ੍ਰਾਪਤ ਪ੍ਰਸਤਾਵਾਂ ਨੂੰ ਤਕਨੀਕੀ ਕਾਰਨਾਂ ਅਤੇ ਸੰਖਿਆਤਮਿਕ ਤਾਕਤ ਕਾਰਨ ਰੱਦ ਕਰ ਦਿੱਤਾ ਗਿਆ | ਇਸ ਮੌਕੇ 'ਤੇ ਮੈਨੇਜਮੈਂਟ ਮੈਂਬਰ ਵਿਕਾਸ ਮਹਿਤਾ ਅਤੇ ਉਨ੍ਹਾਂ ਦੇ ਹੋਰ ਸਾਥੀਆਂ ਨੇ ਵੀ ਪ੍ਰਸਤਾਵ ਨੂੰ ਰੱਦ ਕੀਤੇ ਜਾਣ ਦਾ ਸਵਾਗਤ ਕੀਤਾ | ਉਨ੍ਹਾਂ ਕਿਹਾ ਕਿ ਜੇਕਰ ਉਹ ਵਿਰੋਧੀ ਧਿਰ ਵਿਚ ਬੈਠਦੇ ਹਨ ਅਤੇ ਕੁੱਝ ਗਲਤ ਪਾਉਂਦੇ ਹਨ, ਤਾਂ ਉਹ ਇਸ ਨੰੂ ਗਲਤ ਕਹਿਣਗੇ ਪਰ ਜੇਕਰ ਸੱਤਾਧਾਰੀ ਪਾਰਟੀ ਸਹੀ ਕੰਮ ਕਰ ਰਹੀ ਹੈ, ਤਾਂ ਇਹ ਪ੍ਰਸ਼ੰਸਾ ਦੀ ਹੱਕਦਾਰ ਹੈ | ਇਸ ਦੌਰਾਨ ਜਦੋਂ ਵਿਕਾਸ ਮਹਿਤਾ ਜਨਰਲ ਸਕੱਤਰ ਰਾਜੇਸ਼ ਡਾਲੀ ਨਾਲ ਗੱਲ ਕਰ ਰਹੇ ਸਨ, ਤਾਂ ਵਿਕਾਸ ਮਹਿਤਾ ਨੇ ਸਾਬਕਾ ਮੁਖੀ ਸੀ. ਏ. ਰਾਕੇਸ਼ ਗੋਇਲ ਦੇ ਵਿਚਕਾਰ ਬੋਲਣ 'ਤੇ ਸਖ਼ਤ ਇਤਰਾਜ਼ ਕੀਤਾ ਅਤੇ ਕਿਹਾ ਕਿ ਉਹ ਜਨਰਲ ਸਕੱਤਰ ਰਾਜੇਸ਼ ਡਾਲੀ ਨਾਲ ਗੱਲ ਕਰ ਰਹੇ ਹਨ ਅਤੇ ਤੁਸੀਂ ਉਨ੍ਹਾਂ ਨੂੰ ਇਸ ਤਰੀਕੇ ਨਾਲ ਨਹੀਂ ਰੋਕ ਸਕਦੇ, ਜਿਸ ਤੋਂ ਬਾਅਦ ਮਾਹੌਲ ਬਹੁਤ ਗਰਮ ਹੋ ਗਿਆ |
• ਕਾਨੂੰਨ ਵਿਵਸਥਾ ਲਈ ਸਖ਼ਤ ਸੁਰੱਖਿਆ ਪ੍ਰਬੰਧ - ਇਸ ਮੌਕੇ ਕਿਸੇ ਵੀ ਤਰ੍ਹਾਂ ਦੀ ਸ਼ਰਾਰਤੀ ਗਤੀਵਿਧੀ ਨੂੰ ਰੋਕਣ ਅਤੇ ਕਾਨੂੰਨ ਵਿਵਸਥਾ ਨੂੰ ਯਕੀਨੀ ਬਣਾਉਣ ਲਈ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਸਨ | ਡੀ. ਐਸ. ਪੀ. ਖੰਨਾ ਅੰਮਿ੍ਤਪਾਲ ਸਿੰਘ ਭਾਟੀ ਦੀ ਅਗਵਾਈ ਹੇਠ ਪੁਲਿਸ ਟੀਮ ਨਾਲ ਐਸ. ਐਚ. ਓ. ਸਿਟੀ 1 ਵਿਨੋਦ ਕੁਮਾਰ, ਐਸ. ਐਚ. ਓ. ਸਿਟੀ 2 ਤਰਵਿੰਦਰ ਬੇਦੀ ਦੀ ਅਗਵਾਈ ਵਿਚ ਵੱਡੀ ਗਿਣਤੀ ਵਿਚ ਪੁਲਿਸ ਕਰਮਚਾਰੀ ਹਾਜ਼ਰ ਸਨ |
• ਕੌਣ-ਕੌਣ ਸਨ ਹਾਜ਼ਰ ਸਨ- ਇਸ ਮੌਕੇ ਪ੍ਰਧਾਨ ਵਿਜੇ ਡਾਇਮੰਡ, ਜਨਰਲ ਸਕੱਤਰ ਰਾਜੇਸ਼ ਡਾਲੀ, ਜਤਿੰਦਰ ਦੇਵਗਨ, ਸੰਜੀਵ ਧਮੀਜਾ, ਅਜੇ ਸੂਦ, ਕਵਿਤਾ ਗੁਪਤਾ, ਸੁਬੋਧ ਮਿੱਤਲ, ਰਾਮਰੀਸ਼ ਵਿਜ, ਮੋਹਿਤ ਗੋਇਲ, ਮਨੀਸ਼ ਭਾਂਬਰੀ, ਸ਼ਿਵਮ ਬੇਦੀ, ਵਿਕਾਸ ਮਹਿਤਾ, ਰਾਜੀਵ ਰਾਏ ਮਹਿਤਾ, ਸ਼ਮਿੰਦਰ ਕੁਮਾਰ ਸ਼ਰਮਾ, ਨਵੀਨ ਸ਼ਰਮਾ, ਸ਼ਮਿੰਦਰ ਕੁਮਾਰ ਸ਼ਰਮਾ, ਨਵਜੀਵ ਡੀ. ਥੰਮ੍ਹਣ, ਸ਼ਾਲੂ ਕਾਲੀਆ, ਵਿਕਾਸ ਮਿੱਤਲ, ਪਿ੍ੰਸੀਪਲ ਕੇ. ਕੇ.ਸ਼ਰਮਾ, ਪਿ੍ੰਸੀਪਲ ਰਣਜੀਤ ਕੌਰ, ਡਾ: ਪਵਨ ਕੁਮਾਰ, ਡਾ: ਹਰਪ੍ਰੀਤ ਸਿੰਘ, ਪਿ੍ੰਸੀਪਲ ਇੰਦਰਜੀਤ ਸਿੰਘ, ਪਿੰ੍ਰਸੀਪਲ ਸ਼ਮਿੰਦਰ ਵਰਮਾ, ਪਿ੍ੰਸੀਪਲ ਰੀਤੂ ਸੂਦ ਸਮੇਤ ਸੰਸਥਾ ਦੇ ਸਾਬਕਾ ਮੁਖੀ ਸੀ. ਏ. ਰਾਕੇਸ਼ ਗੋਇਲ, ਰਣਜੀਤ ਸਿੰਘ ਹੀਰਾ, ਰਾਜ ਕੁਮਾਰ ਸਾਹਨੇਵਾਲ ਨਗਰ, ਕੌਸਲ ਪ੍ਰਧਾਨ ਕਮਲਜੀਤ ਸਿੰਘ ਲੱਧੜ, ਡਾ: ਸੋਮੇਸ਼ ਬੱਤਾ, ਜਸਪਾਲ ਸਿੰਘ ਲੋਟੇ ਸਮੇਤ ਵੱਡੀ ਗਿਣਤੀ ਵਿਚ ਇਲਾਕਾ ਨਿਵਾਸੀ ਅਤੇ ਸੰਸਥਾ ਦੇ ਵੋਟਰ ਹਾਜ਼ਰ ਸਨ |