16-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-07-2025

ਕਾਂਗਰਸੀ ਆਬਜ਼ਰਵਰ ਲੱਖਾ ਰੌਣੀ ਦੀ ਅਗਵਾਈ ਵਿਚ ਮੀਟਿੰਗ ਖੰਨਾ, ਸਮਰਾਲਾ ਜਿੱਤਣ ਦਾ ਦਾਅਵਾ

ਅਜੀਤ ਡੈਸਕ 21-07-2025
ਖੰਨਾ, 20 ਜੁਲਾਈ (ਹਰਜਿੰਦਰ ਸਿੰਘ ਲਾਲ)-ਅੱਜ ਖੰਨਾ ਅਤੇ ਸਮਰਾਲਾ ਹਲਕਿਆਂ ਦੇ ਕਾਂਗਰਸੀ ਅਬਜ਼ਰਵਰ ਰਜਿੰਦਰ ਸਿੰਘ ਲੱਖਾ ਰੌਣੀ ਵੱਲੋਂ ਇਕ ਵਿਸ਼ੇਸ਼ ਮੀਟਿੰਗ ਕੀਤੀ ਗਈ | ਇਸ ਮੀਟਿੰਗ ਵਿਚ ਸਾਬਕਾ ਮੰਤਰੀ ਗੁਰਕੀਰਤ ਸਿੰਘ, ਕਾਂਗਰਸ ਆਰਡੀਨੇਟਰ ਰਣਜੀਤ ਸਿੰਘ, ਮਨਜੀਤ ਸਿੰਘ, ਸਾਬਕ ਚੇਅਰਮੈਨ ਗੁਰਦੀਪ ਸਿੰਘ ਰਸੂਲੜਾ, ਸਾਬਕ ਚੇਅਰਮੈਨ ਸਤਨਾਮ ਸਿੰਘ ਸੋਨੀ, ਬਲਾਕ ਪ੍ਰਧਾਨ ਹਰਜਿੰਦਰ ਸਿੰਘ ਇਕੋਲਾਹਾ ਆਦਿ ਵੀ ਹਾਜ਼ਰ ਸਨ | ਇਸ ਮੀਟਿੰਗ ਵਿਚ ਲੱਖਾ ਰੌਣੀ ਨੇ ਹਲਕੇ ਦੇ ਸਾਰੇ ਬੂਥਾਂ ਦੀਆਂ ਬੂਥ ਕਮੇਟੀਆਂ ਬਣਾਉਣ ਸੰਬੰਧੀ ਹਦਾਇਤਾਂ ਦਿੱਤੀਆਂ ਇਸ ਮੌਕੇ ਦੱਸਿਆ ਗਿਆ ਕਿ ਹਲਕੇ ਵਿਚ ਲਗਭਗ ਸਾਰੇ ਪਿੰਡਾਂ ਦੀਆਂ ਬੂਥ ਕਮੇਟੀਆਂ ਤਿਆਰ ਹਨ | ਇਸ ਮੌਕੇ ਲੱਖਾ ਰੌਣੀ ਨੇ ਕਿਹਾ ਕਿ ਮੈਂ ਹਲਕੇ ਦੀਆਂ ਬੂਥ ਕਮੇਟੀਆਂ ਦੀ ਰਿਪੋਰਟ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੂੰ ਸੌਂਪਾਂਗਾ | ਲੱਖਾ ਰੌਣੀ ਨੇ ਕਿਹਾ ਕਿ ਉਹ ਹੁਣ ਹਲਕੇ ਵਿਚ ਬੂਥ ਪੱਧਰ ਦੀਆਂ ਮੀਟਿੰਗਾਂ ਕਰਨਗੇ |
• ਖੰਨਾ, ਸਮਰਾਲਾ ਵਿਧਾਨ ਸਭਾ ਚੋਣਾਂ ਵਿਚ ਕਾਂਗਰਸ ਦੀ ਜਿੱਤ ਯਕੀਨੀ- ਲੱਖਾ ਰੌਣੀ-ਉਨ੍ਹਾਂ ਦਾਅਵਾ ਕੀਤਾ ਕਿ ਇਸ ਵਾਰ ਚੋਣ ਵਿਚ ਖੰਨਾ ਅਤੇ ਸਮਰਾਲਾ ਵਿਚ ਕਾਂਗਰਸ ਦੀ ਜਿੱਤ ਯਕੀਨੀ ਬਣਾਈ ਜਾਵੇਗੀ | ਸਾਡੇ ਬੂਥ ਇੰਚਾਰਜ ਇਸ ਤਰ੍ਹਾਂ ਟਰੇਂਡ ਕੀਤੇ ਜਾਣਗੇ ਕਿ ਕਿਸੇ ਵੀ ਬੂਥ 'ਤੇ ਨਾ ਤਾਂ ਧੱਕਾ ਹੋਣ ਦੇਵਾਂਗੇ ਅਤੇ ਨਾ ਹੀ ਹੇਰਾਫੇਰੀ ਹੋਣ ਦੇਵਾਂਗੇ | ਲੱਖਾ ਰੌਣੀ ਨੇ ਕਿਹਾ ਕਿ ਅਸੀਂ ਵੀ ਹੁਣ ਚੋਣਾਂ ਵਿਚ ਮਾਇਕਰੋ ਮੈਨੇਜਮੈਂਟ ਕਰਨ ਵੱਲ ਧਿਆਨ ਦਿੱਤਾ ਹੈ ਅਤੇ ਇਹ ਅਸੀਂ ਦੂਜੀਆਂ ਪਾਰਟੀਆਂ ਨਾਲੋਂ ਬਿਹਤਰ ਕਰਾਂਗੇ | ਲੱਖਾ ਰੌਣੀ ਨੇ ਕਿਹਾ ਕਿ ਮੈਂ ਦੋਵਾਂ ਹਲਕਿਆਂ ਦੀ ਸਾਰੀ ਰਿਪੋਰਟ ਪੰਜਾਬ ਕਾਂਗਰਸ ਦੇ ਇੰਚਾਰਜ ਅਤੇ ਸਾਬਕ ਮੁੱਖ ਮੰਤਰੀ ਭੁਪੇਸ਼ ਬਘੇਲ ਨੂੰ ਵੀ ਦੇਵਾਂਗਾ |
ਪਿਛਲੀ ਖ਼ਬਰ 'ਆਪ' ਦੇ ਕਾਰਜਕਾਲ ਵਿਚ ਲੋਕ ਹਿਤ ਦੀ ਗੱਲ ਘੱਟ ਤੇ ਡਰਾਮੇਬਾਜ਼ੀ ਜ਼ਿਆਦਾ-ਰਾਜਾ ਗਿੱਲ <br/> ਅਗਲੀ ਖ਼ਬਰ ਲੋੜਵੰਦ ਪਰਿਵਾਰ ਦੇ ਮੀਹਾਂ ਕਾਰਨ ਢਹਿ ਗਏ ਘਰ ਦੀ ਉਸਾਰੀ ਲਈ ਆਰਥਿਕ ਸਹਾਇਤਾ ਦੇਣ ਪਹੁੰਚੇ ਮਿੰਟੂ ਗਰੇਵਾਲ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।