ਅਬੋਹਰ, 20 ਨਵੰਬਰ(ਵਿਵੇਕ ਹੂੜੀਆ)-ਸਾਲਾਨਾ ਤਿਉਹਾਰ ਧਰੋਹਰ ਐਤਵਾਰ 23 ਨਵੰਬਰ ਨੂੰ ਸਥਾਨਕ ਸ਼੍ਰੀ ਰੌਸ਼ਨ ਲਾਲ ਜੈਨ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਵਿਖੇ ਆਯੋਜਿਤ ਕੀਤਾ ਜਾ ਰਿਹਾ ਹੈ | ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸਕੂਲ ਪ੍ਰਬੰਧਨ ਕਮੇਟੀ ਦੇ ਮੁਖੀ ਫ਼ਕੀਰ ਚੰਦ ਗੋਇਲ ਅਤੇ ਪਿ੍ੰਸੀਪਲ ਜੌਲੀ ਮੋਂਗਾ ਨੇ ਦੱਸਿਆ ਕਿ ਇਹ ਪ੍ਰੋਗਰਾਮ 23 ਨਵੰਬਰ ਨੂੰ ਸਵੇਰੇ 10 ਵਜੇ ਸ਼ੁਰੂ ਹੋਵੇਗਾ | ਜਿਸ ਦੀ ਪ੍ਰਧਾਨਗੀ ਵਿੱਦਿਆ ਭਾਰਤੀ ਪੰਜਾਬ ਦੇ ਜਨਰਲ ਸਕੱਤਰ ਸੰਦੀਪ ਧੂੜੀਆ ਕਰਨਗੇ | ਮੁੱਖ ਮਹਿਮਾਨ ਸਾਬਕਾ ਕੈਬਨਿਟ ਮੰਤਰੀ ਚੌਧਰੀ ਸੁਰਜੀਤ ਕੁਮਾਰ ਜਿਆਣੀ ਹੋਣਗੇ, ਜਦੋਂ ਕਿ ਮੁੱਖ ਬੁਲਾਰੇ ਵਿਜੇ ਨੱਢਾ ਹੋਣਗੇ | ਉਨ੍ਹਾਂ ਦੱਸਿਆ ਕਿ ਇਸ ਪ੍ਰੋਗਰਾਮ ਦੇ ਵਿਸ਼ੇਸ਼ ਮਹਿਮਾਨ ਡਾ. ਗ਼ੌਰੀ ਸ਼ੰਕਰ ਮਿੱਤਲ, ਅਜੈ ਬਿਸ਼ਨੋਈ, ਪਵਨ ਕੁਮਾਰ ਸਿੰਗਲਾ, ਸੁਭਾਸ਼ ਬਿਸ਼ਨੋਈ, ਦੀਪਕ ਛਾਪੋਲਾ, ਐਡਵੋਕੇਟ ਅਰਵਿੰਦ ਬਜਾਜ, ਡਾ. ਸਤਾਨੰਦ ਫੁਟੇਲਾ, ਪਵਨ ਕੁਮਾਰ ਸੋਖਲ ਅਤੇ ਸੁਭਾਸ਼ ਸਿਡਾਨਾ ਹੋਣਗੇ | ਸਕੂਲ ਦੇ ਸਰਪ੍ਰਸਤ ਚੌਧਰੀ ਧਨਪਤ ਰਾਏ ਸਿਆਗ, ਮੁਖੀ ਫ਼ਕੀਰ ਚੰਦ ਗੋਇਲ, ਮੈਨੇਜਰ ਅਨਿਲ ਮੱਕੜ ਅਤੇ ਪਿ੍ੰਸੀਪਲ ਜੌਲੀ ਮੋਂਗਾ ਨੇ ਸਾਰਿਆਂ ਨੂੰ ਸਮੇਂ ਸਿਰ ਪ੍ਰੋਗਰਾਮ ਵਿਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਹੈ |
