ਧਰਮਕੋਟ, 21 ਜੁਲਾਈ (ਪਰਮਜੀਤ ਸਿੰਘ)-ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਸ਼੍ਰੀਮਤੀ ਕੰਚਨ ਬਾਲਾ ਦੀ ਰਹਿਨੁਮਾਈ ਹੇਠ ਸੁੰਦਰ ਲਿਖਾਈ ਦੇ ਮੁਕਾਬਲੇ ਬਲਾਕ ਧਰਮਕੋਟ-2 ਵਿਖੇ ਕਰਵਾਏ ਗਏ, ਇਸ 'ਚ ਬਲਾਕ ਦੀ 54 ਸਕੂਲਾਂ ਨੇ ਭਾਗ ਲਿਆ, ਇਹ ਮੁਕਾਬਲੇ ਅਧਿਆਪਕਾਂ ਤੇ ਵਿਦਿਆਰਥੀਆਂ ਦੋਵਾਂ ਦੇ ਸਨ, ਇਸ 'ਚ ਫ਼ਤਿਹਗੜ੍ਹ ਕੋਰੋਟਾਣਾ ਸੈਂਟਰ ਨੇ ਚੰਗਾ ਪ੍ਰਦਰਸ਼ਨ ਕੀਤਾ | ਫ਼ਤਿਹਗੜ੍ਹ ਕੋਰੋਟਾਣਾ ਸਕੂਲ ਤੋਂ ਰਮਨਪ੍ਰੀਤ ਕੌਰ ਨੇ ਸੁੰਦਰ ਲਿਖਾਈ 'ਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਅਤੇ ਗਾਰਡਨ ਕਲੌਨੀ ਸਕੂਲ ਤੋਂ ਅਧਿਆਪਕ ਪ੍ਰਦੀਪ ਸਿੰਘ ਨੇ ਸੁੰਦਰ ਲਿਖਾਈ ਦੇ ਵਿਚ ਬਲਾਕ ਪੱਧਰ 'ਤੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਤੇ ਇਸੇ ਹੀ ਸਕੂਲ ਦੇ ਇਕ ਵਿਦਿਆਰਥੀ ਤਲਵੀਰ ਕੌਰ ਨੇ ਸੁੰਦਰ ਲਿਖਾਈ 'ਚ ਦੂਜਾ ਸਥਾਨ ਪ੍ਰਾਪਤ ਕੀਤਾ | ਮੈਡਮ ਕੰਚਨ ਬਾਲਾ ਨੇ ਸਾਰਿਆਂ ਨੂੰ ਇਨਾਮ ਵੰਡੇ ਤੇ ਸੈਂਟਰ ਫ਼ਤਿਹਗੜ੍ਹ ਕੋਰੋਟਾਣਾ ਦੇ ਮਿਹਨਤੀ ਅਧਿਆਪਕਾਂ ਤੇ ਵਿਦਿਆਰਥੀਆਂ ਦੀ ਸ਼ਲਾਘਾ ਕੀਤੀ |