ਪਟਿਆਲਾ, 5 ਨਵੰਬਰ (ਮਨਦੀਪ ਸਿੰਘ ਖਰੌੜ)-ਮੇਨ ਸ਼ੂਟਿੰਗ ਰੇਂਜ ਵਿਖੇ ਚਲ ਰਹੇ ਆਲ ਇੰਡੀਆ ਓਪਨ ਸਕਿੱਟ ਸ਼ੂਟਿੰਗ ਸ਼ਾਰਟ ਗੰਨ ਵਿਚੋਂ ਮਨਤੇਸ਼ਵਰ ਸਿੰਘ ਘੁਮਾਣ ਪੁੱਤਰ ਜਤਿੰਦਰਪਾਲ ਸਿੰਘ ਘੁਮਾਣ (ਸਾਬਕਾ ਪ੍ਰਧਾਨ ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਪਟਿਆਲਾ) ਜੋ ਰਾਜੀਵ ਗਾਂਧੀ ਲਾਅ ਯੂਨੀਵਰਸਿਟੀ ਵਿਖੇ ਚੌਥੇ ਸਾਲ ਵਿਚ ਲਾਅ ਦਾ ਵਿਦਿਆਰਥੀ ਹੈ, ਨੇ ਆਲ ਇੰਡੀਆ ਓਪਨ ਵਿਚੋਂ ਸੋਨ ਤਗਮਾ ਪ੍ਰਾਪਤ ਕੀਤਾ | ਇਹ ਮੁਕਾਬਲੇ ਮੇਨ ਸ਼ੂਟਿੰਗ ਰੇਂਜ ਵਿਖੇ ਕਰਵਾਏ ਗਏ | ਇਸ ਤੋਂ ਪਹਿਲਾ ਮਨਤੇਸ਼ਵਰ ਸਿੰਘ ਘੁਮਾਣ ਨੇ ਇਸੇ ਸਾਲ ਸਟੇਟ ਵਿਚੋਂ ਵੀ ਸੋਨ ਤਗਮਾ ਹਾਸਲ ਕੀਤਾ | ਉਸ ਤੋਂ ਬਾਅਦ ਨਾਰਥ ਜੋਨ ਮੁਕਾਬਲੇ ਜੋ ਦਿੱਲੀ ਵਿਚ ਹੋਏ ਉਨ੍ਹਾਂ ਵਿਚੋਂ ਵੀ ਸੋਨ ਤਗਮਾ ਹਾਸਿਲ ਕੀਤਾ |
