ਰੂਪਨਗਰ, 20 ਨਵੰਬਰ (ਸਤਨਾਮ ਸਿੰਘ ਸੱਤੀ)-ਪਿੰਡ ਡੂਮੇਵਾਲ 'ਚ ਬਣਿਆ ਆਧੁਨਿਕ ਹਸਪਤਾਲ 22 ਨਵੰਬਰ ਨੂੰ ਉਦਘਾਟਨ ਲਈ ਤਿਆਰ ਹੈ | ਇਸ ਮੌਕੇ ਨੂੰ ਸਮਰਪਿਤ ਗੁਰਦੁਆਰਾ ਸਾਹਿਬ ਵਿਚ ਸਵੇਰੇ 9 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ ਇਲਾਹੀ ਕੀਰਤਨ ਦਰਬਾਰ ਹੋਵੇਗਾ, ਜਿਸ 'ਚ ਲਾਸ ਐਂਜਲਸ (ਅਮਰੀਕਾ) ਤੋਂ ਪ੍ਰਸਿੱਧ ਕੀਰਤਨ ਪ੍ਰਚਾਰਕ ਭਾਈ ਅਨੰਤਵੀਰ ਸਿੰਘ ਜੀ ਖ਼ਾਸ ਤੌਰ 'ਤੇ ਸ਼ਿਰਕਤ ਕਰਨਗੇ | ਵਿਸ਼ਵ ਕੈਂਸਰ ਕੇਅਰ ਭਾਰਤ ਦੇ ਡਾਇਰੈਕਟਰ ਅਜੈਵੀਰ ਸਿੰਘ ਲਾਲਪੁਰਾ ਨੇ ਦੱਸਿਆ ਕਿ ਭਾਈ ਅਨੰਤਵੀਰ ਸਿੰਘ ਦੀ ਹਾਜ਼ਰੀ ਸਮਾਗਮ ਨੂੰ ਰੂਹਾਨੀਅਤ ਮਾਹੌਲ ਬਖ਼ਸ਼ੇਗੀ | ਲਾਲਪੁਰਾ ਨੇ ਸੰਗਤ ਨੂੰ ਅਪੀਲ ਕੀਤੀ ਕਿ ਵਧ ਤੋਂ ਵਧ ਗਿਣਤੀ ਵਿਚ ਪਹੁੰਚ ਕੇ ਇਸ ਪਵਿੱਤਰ ਸਮਾਗਮ ਦਾ ਹਿੱਸਾ ਬਣਨ | ਉਨ੍ਹਾਂ ਕਿਹਾ ਕਿ ਨਵਾਂ ਡੂਮੇਵਾਲ ਹਸਪਤਾਲ ਖੇਤਰ ਦੀ ਸਿਹਤ ਸੇਵਾਵਾਂ 'ਚ ਇਕ ਵੱਡਾ ਤੇ ਸਕਾਰਾਤਮਿਕ ਬਦਲਾਅ ਲਿਆਏਗਾ ਅਤੇ ਮਨੁੱਖਤਾ ਤੇ ਸੇਵਾ ਦੇ ਮੁੱਲਾਂ ਨੂੰ ਹੋਰ ਮਜ਼ਬੂਤ ਕਰੇਗਾ |
