ਅੰਮਿ੍ਤਸਰ, 20 ਨਵੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਬ੍ਰਹਮਾ ਕੁਮਾਰੀ ਅੰਮਿ੍ਤਸਰ ਸੰਸਥਾ ਵਲੋਂ ਵਿੱਦਿਆ ਸਾਗਰ ਮਾਨਸਿਕ ਸਿਹਤ ਸੰਸਥਾ ਵਿਖੇ ਮਾਨਸਿਕ ਸਿਹਤ 'ਤੇ ਇਕ ਅਧਿਆਤਮਿਕ ਪ੍ਰੋਗਰਾਮ ਕਰਵਾਇਆ ਗਿਆ, ਜਿਸ 'ਚ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਨਰਸਿੰਗ ਸਿਖਲਾਈ ਲਈ ਆਏ ਲਗਭਗ 300 ਵਿਦਿਆਰਥੀਆਂ ਨੇ ਹਿੱਸਾ ਲਿਆ | ਬ੍ਰਹਮਾ ਕੁਮਾਰੀ ਸਾਕਸ਼ੀ ਅਤੇ ਬ੍ਰਹਮਾ ਕੁਮਾਰ ਪਵਨ ਨੇ ਵਿਦਿਆਰਥੀਆਂ ਨੂੰ ਮਾਨਸਿਕ ਖੁਸ਼ੀ ਲਈ ਰਾਜਯੋਗ ਦਾ ਅਭਿਆਸ ਕਰਨ ਲਈ ਉਤਸ਼ਾਹਿਤ ਕੀਤਾ | ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਬ੍ਰਹਮਾ ਕੁਮਾਰੀ ਸਾਕਸ਼ੀ ਨੇ ਕਿਹਾ ਕਿ ਕੋਈ ਵੀ ਸਮੱਸਿਆ ਵੱਡੀ ਨਹੀਂ ਹੁੰਦੀ, ਪਰ ਵਿਚਾਰਨ ਵਾਲੀ ਮਹੱਤਵਪੂਰਨ ਗੱਲ ਇਹ ਹੈ ਕਿ ਸਾਡੇ ਕੋਲ ਇਸਨੂੰ ਹੱਲ ਕਰਨ ਲਈ ਕਿੰਨੀ ਅੰਦਰੂਨੀ ਤਾਕਤ ਹੈ | ਅਸੀਂ ਸਮੱਸਿਆ ਤੋਂ ਭਟਕਦੇ ਨਹੀਂ ਹਾਂ | ਸਿਰਫ ਸਾਡਾ ਇਕਸਾਰ, ਅਡੋਲ ਅਤੇ ਨਿਡਰ ਰਵੱਈਆ ਹੀ ਸਾਨੂੰ ਸਥਿਤੀ ਨੂੰ ਦੂਰ ਕਰਨ 'ਚ ਮਦਦ ਕਰ ਸਕਦਾ ਹੈ | ਉਨ੍ਹਾਂ ਨੇ ਰਾਜਯੋਗ ਦਾ ਆਪਣਾ ਅਨੁਭਵ ਸਾਂਝਾ ਕੀਤਾ ਅਤੇ ਸਾਰਿਆਂ ਨੂੰ ਪ੍ਰਮਾਤਮਾ ਦਾ ਅਨੁਭਵ ਕਰਨ ਲਈ ਰਾਜਯੋਗ ਦਾ ਅਭਿਆਸ ਕਰਨ ਲਈ ਪ੍ਰੇਰਿਤ ਕੀਤਾ |
