ਪਠਾਨਕੋਟ, 31 ਅਗਸਤ (ਵਿਨੋਦ)-ਕੇ.ਏ.ਪੀ. ਸਿਨਹਾ ਮੁੱਖ ਸਕੱਤਰ ਪੰਜਾਬ ਪਠਾਨਕੋਟ ਪਹੁੰਚੇ ਤਾਂ ਹੜ੍ਹ ਪੀੜਤ ਪਸ਼ੂ ਪਾਲਕਾਂ ਦੀ ਵਧੀਆ ਕਾਰਗੁਜ਼ਾਰੀ ਕਰਨ ਲਈ ਵੈਟਰਨਰੀ ਅਫ਼ਸਰਾਂ ਅਤੇ ਕਰਮਚਾਰੀਆਂ ਦੀ ਪਿੱਠ ਥਪ-ਥਪਾਈ ਗਈ | ਕੇ.ਏ.ਪੀ. ਸਿਨਹਾ ਪਠਾਨਕੋਟ ਜ਼ਿਲ੍ਹੇ ਵਿਚ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ ਕਰਨ ਆਏ ਸਨ | ਦੌਰੇ ਦੌਰਾਨ ਉਨ੍ਹਾਂ ਵਲੋਂ ਪਸ਼ੂ ਪਾਲਨ ਵਿਭਾਗ ਦੇ ਵੈਟਰਨਰੀ ਅਫ਼ਸਰ, ਵੈਟਰਨਰੀ ਇੰਸਪੈਕਟਰ ਅਤੇ ਵੈਟਰਨਰੀ ਸਰਵਿਸ ਪ੍ਰੋਵਾਈਡਰ ਨਾਲ ਮੁਲਾਕਾਤ ਕੀਤੀ | ਉਨ੍ਹਾਂ ਵਲੋਂ ਜ਼ਿਲ੍ਹਾ ਪਠਾਨਕੋਟ ਦੇ ਪ੍ਰਭਾਵਿਤ ਇਲਾਕਿਆਂ ਵਿਚ ਪ੍ਰਭਾਵਿਤ ਹੋਏ ਪਸ਼ੂਆਂ ਸਬੰਧੀ ਜਾਣਕਾਰੀ ਲਈ ਅਤੇ ਪਸ਼ੂਆਂ ਦੀ ਵੈਕਸੀਨ ਸਬੰਧੀ ਵੀ ਜਾਇਜ਼ਾ ਲਿਆ | ਉਨ੍ਹਾਂ ਵਲੋਂ ਪਸ਼ੂ ਪਾਲਨ ਵਿਭਾਗ ਦੇ ਕੰਮਾਂ ਦੀ ਪ੍ਰਸੰਸਾ ਕੀਤੀ ਅਤੇ ਪਠਾਨਕੋਟ ਜ਼ਿਲ੍ਹੇ ਦੀ ਕਮਾਨ ਸੰਭਾਲ ਰਹੇ ਡਿਪਟੀ ਡਾਇਰੈਕਟਰ ਡਾ: ਮੁਕੇਸ਼ ਮਿੱਤਲ ਅਤੇ ਉਨ੍ਹਾਂ ਦੀ ਟੀਮ ਦੀ ਸ਼ਲਾਘਾ ਕੀਤੀ | ਡਿਪਟੀ ਕਮਿਸ਼ਨਰ ਪਠਾਨਕੋਟ ਅਦਿੱਤਿਆ ਉੱਪਲ ਵਲੋਂ ਵੀ ਮੁੱਖ ਸਕੱਤਰ ਪ੍ਰਮੁੱਖ ਸਕੱਤਰ ਨੂੰ ਪਸ਼ੂ ਪਾਲਨ ਵਿਭਾਗ ਦੀ ਵਧੀਆ ਕਾਰਗੁਜ਼ਾਰੀ ਨਾਲ ਜਾਣੂ ਕਰਵਾਇਆ | ਇਸ ਮੌਕੇ ਵਿਭਾਗ ਦੇ ਸਹਾਇਕ ਡਾਇਰੈਕਟਰ ਡਾ: ਹਰਦੀਪ ਕੁਮਾਰ, ਡਾ: ਨਰਿੰਦਰ ਕੁਮਾਰ, ਸੀਨੀਅਰ ਵੈਟਰਨਰੀ ਅਫ਼ਸਰ ਪਠਾਨਕੋਟ ਡਾ: ਵਿਜੇ ਕੁਮਾਰ, ਵੈਟਰਨਰੀ ਅਫ਼ਸਰ ਡਾ: ਸਵਿੰਦਰ ਪਾਲ, ਡਾ: ਸਾਕੇਤ ਸ਼ਰਮਾ, ਡਾ: ਵਿਸ਼ਾਲ ਪਰੋਚ, ਡਾ: ਵਿਕਾਸ ਕੁਮਾਰ, ਡਾ: ਅੰਮਿ੍ਤਪਾਲ ਸਿੰਘ, ਡਾ: ਵਿਨੇ ਸਪੋਲੀਆ, ਡਾ: ਗੁਲਸ਼ਨ ਚੰਦ, ਡਾ: ਅਮਨਦੀਪ ਗੁਪਤਾ, ਵੈਟਰਨਰੀ ਇੰਸਪੈਕਟਰ ਅਮਰੀਸ਼, ਵਿਨੇ ਸੈਣੀ, ਗੌਰਵ, ਕੁਲਵੀਰ, ਸੋਰਬ ਖਜੂਰੀਆ, ਅਮਨ, ਰਵਿੰਦਰ, ਮਾਨਿਕ ਨੰਦਾ, ਅੰਕੁਸ਼ ਵਿਰਦੀ, ਪ੍ਰੇਮ ਆਦਿ ਹਾਜ਼ਰ ਸਨ |
