17-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 20-11-2025

ਮਾਲਖ਼ਾਨੇ 'ਚ ਕਰੀਬ ਸਵਾ ਕਰੋੜ ਦੀ ਨਕਦੀ ਤੇ ਹੋਰ ਸਾਮਾਨ ਖੁਰਦ-ਬੁਰਦ ਕਰਨ ਵਾਲਾ ਮਾਲਖਾਨਾ ਮੁਨਸ਼ੀ ਗੁਰਦਾਸ ਸਿੰਘ ਦੇ ਨਾਲ ਉਸ ਦੇ ਇਕ ਹੋਰ ਪ੍ਰਾਈਵੇਟ ਸਾਥੀ ਦੀ ਐਂਟਰੀ

ਮਾਮਲੇ ਵਿਚ ਨਾਮਜ਼ਦ ਮਨੋਜ ਕੁਮਾਰ ਉਰਫ਼ ਮੰਗੂ ਪੁੱਤਰ ਸੁਦੇਸ਼ ਕੁਮਾਰ ਉਰਫ਼ ਜੱਜ ਨੂੰ ਅਦਾਲਤ ਵਿਚ ਪੇਸ਼ ਕਰਨ ਤੋਂ ਪਹਿਲਾਂ ਵਿਖਾਈ ਦੇ ਰਹੇ ਹਨ ਜਾਂਚ ਅਧਿਕਾਰੀ ਏ.ਐੱਸ.ਆਈ. ਰਾਜਵਰਿੰਦਰਪਾਲ ਸਿੰਘ ਆਦਿ | ਤਸਵੀਰ: ਜਸਵੰਤ ਸਿੰਘ ਸਲੇਮਪੁਰੀ <br/> 20-11-2025
ਸਿੱਧਵਾਂ ਬੇਟ, 19 ਨਵੰਬਰ (ਜਸਵੰਤ ਸਿੰਘ ਸਲੇਮਪੁਰੀ)-ਥਾਣਾ ਸਿੱਧਵਾਂ ਬੇਟ ਮਾਲਖਾਨੇ ਵਿਚੋਂ ਕਰੀਬ 1.25 ਕਰੋੜ ਦੀ ਭਾਰਤੀ ਕਰੰਸੀ ਨੂੰ ਹੜੱਪ ਕਰਨ ਦੇ ਥਾਣਾ ਸਿੱਧਵਾਂ ਬੇਟ ਵਿਚ ਦਰਜ ਧਾਰਾ 316 (1) ਬੀ.ਐੱਨ.ਐੱਸ. ਤਹਿਤ ਮੁਕੱਦਮਾਂ ਨੰ. 264 ਵਿਚ ਨਾਮਜ਼ਦ ਹੌਲਦਾਰ ਗੁਰਦਾਸ ਸਿੰਘ ਦੀ ਹੁਣ ਪੁਲਿਸ ਵਲੋਂ ਸਖ਼ਤੀ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਅਤੇ ਉਸ ਨੂੰ ਜ਼ਿਆਦਾ ਸਮਾਂ ਸੀ.ਆਈ.ਏ. ਸਟਾਫ਼ ਜਗਰਾਉਂ ਵਿਚ ਰੱਖਿਆ ਜਾ ਰਿਹਾ ਹੈ | ਭਾਵੇਂ 'ਅਜੀਤ' ਅਖ਼ਬਾਰ ਵਿਚ ਛਪੀ ਖ਼ਬਰ ਦੌਰਾਨ ਇਹ ਸਪੱਸ਼ਟ ਲਿਖਿਆ ਗਿਆ ਸੀ ਕਿ ਮਾਲ ਮੁਨਸੀ ਹੌਲਦਾਰ ਗੁਰਦਾਸ ਸਿੰਘ ਇਕੱਲਾ ਮਾਲਖਾਨੇ ਵਿਚ ਸਿਰਫ਼ ਭੁੱਕੀ ਦੇ ਇਕ ਕੇਸ ਨਾਲ ਸਬੰਧਿਤ ਕਰੀਬ 1.25 ਕਰੋੜ ਦੀ ਨਕਦੀ ਨੂੰ ਹੜੱਪ ਨਹੀਂ ਕਰ ਸਕਦਾ, ਇਸ ਵਿਚ ਕਿਸੇ ਹੋਰ ਮੁਲਾਜ਼ਮ ਜਾਂ ਫਿਰ ਮਾਲ ਮੁਨਸ਼ੀ ਦੇ ਕਿਸੇ ਪ੍ਰਾਈਵੇਟ ਸਾਥੀ ਦਾ ਜ਼ਰੂਰ ਹੱਥ ਹੋਵੇਗਾ | ਇਸ ਦੀ ਉਸ ਸਮੇਂ ਪੁਸ਼ਟੀ ਹੋ ਗਈ ਜਦੋਂ ਪੁਲਿਸ ਨੇ ਥਾਣੇ ਵਿਚ ਪਿਛਲੇ ਲੰਬੇ ਸਮੇਂ ਤੋਂ ਥਾਣਾ ਮੁਖੀ ਸਮੇਤ ਹਰ ਮੁਲਾਜ਼ਮ ਨੂੰ ਚਾਹ ਪਿਲਾਉਣ ਵਾਲੇ ਮਨੋਜ ਮੰਗੂ ਪੁੱਤਰ ਸੁਦੇਸ਼ ਕੁਮਾਰ ਉਰਫ਼ ਜੱਜ ਵਾਸੀ ਸਿੱਧਵਾਂ ਬੇਟ ਨੂੰ ਹਿਰਾਸਤ ਵਿਚ ਲੈ ਕੇ ਉਸ ਕੋਲੋਂ ਕਰੀਬ 6 ਲੱਖ ਦੀ ਨਕਦੀ ਬਰਾਮਦ ਕਰ ਲੈਣ ਦਾ ਦਾਅਵਾ ਕੀਤਾ ਅਤੇ ਉਕਤ ਸ਼ਖ਼ਸ ਨੂੰ ਮੁਕੱਦਮਾ ਨੰ. 264 ਵਿਚ ਨਾਮਜ਼ਦ ਕਰਨ ਉਪਰੰਤ ਅੱਜ ਉਸ ਨੂੰ ਮਾਣਯੋਗ ਜਗਰਾਉਂ ਦੀ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ | ਜੱਜ ਸਾਹਿਬ ਨੇ ਮਨੋਜ਼ ਮੰਗੂ ਨੂੰ ਦੋ ਦਿਨਾਂ ਦੀ ਪੁਲਿਸ ਹਿਰਾਸਤ ਵਿਚ ਭੇਜ ਦਿੱਤਾ | ਜਿਸ ਨੂੰ ਲੈ ਕੇ ਇੰਨ੍ਹਾਂ ਦੋਹਾਂ ਦੇ ਹੋਰ ਨਜ਼ਦੀਕੀ ਸਾਥੀਆਂ ਅਤੇ ਪੁਲਿਸ ਮੁਲਾਜ਼ਮਾਂ ਦੀਆਂ ਧੜਕਣਾਂ ਵੀ ਤੇਜ਼ ਹੋ ਗਈਆਂ ਹਨ ਕਿਉਂਕਿ ਦੋਹਾਂ ਦੇ ਨਾਲ-ਨਾਲ ਕੁਝ ਹੋਰ ਲੋਕਾਂ ਦੀ ਵੀ ਸ਼ਮੂਲੀਅਤ ਹੋ ਸਕਦੀ ਹੈ | ਇਸ ਸ਼ੱਕ ਨੂੰ ਝੁਠਲਾਇਆ ਨਹੀਂ ਜਾ ਸਕਦਾ ਕਿਉਂਕਿ ਪੁਲਿਸ ਦੇ ਸੀਨੀਅਰ ਅਧਿਕਾਰੀ ਇਸ ਮਾਮਲੇ ਦੀ ਜੜ੍ਹ ਤੱਕ ਜਾਣ ਲਈ ਬਹੁਤ ਹੀ ਬਰੀਕੀ ਨਾਲ ਜਾਂਚ ਕਰ ਰਹੇ ਹਨ | ਇਸ ਲਈ ਆਉਂਦੇ ਦਿਨਾਂ ਵਿਚ ਕਿਸੇ ਹੋਰ ਦੀ ਐਂਟਰੀ ਨੂੰ ਲੈ ਕੇ ਵੱਡੇ ਖੁਲਾਸੇ ਹੋ ਸਕਦੇ ਹਨ | ਪੁਲਿਸ ਅਧਿਕਾਰੀਆਂ ਨੇ ਹੋਰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਹੌਲਦਾਰ ਗੁਰਦਾਸ ਸਿੰਘ ਅਤੇ ਉਸ ਦੇ ਸਾਥੀ ਮਨੋਜ ਮੰਗੂ ਨੂੰ 21 ਨਵੰਬਰ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਵੇਗਾ ਦੋ ਦਿਨਾਂ ਵਿਚ ਪੁਲਿਸ ਉਸ ਤੋਂ ਹੋਰ ਕਿਨ੍ਹਾਂ ਸੱਚ ਬੁਲਾਉਣ ਵਿਚ ਸਫ਼ਲ ਹੁੰਦੀ ਹੈ ਇਹ ਤਾਂ ਵਕਤ ਹੀ ਦੱਸੇਗਾ |
ਪਿਛਲੀ ਖ਼ਬਰ ਕਰਾਟੇ ਮੁਕਾਬਲੇ 'ਚੋਂ ਸੁਖਜਿੰਦਰ ਮੈਮੋਰੀਅਲ ਸਕੂਲ ਦੇ ਵਿਦਿਆਰਥੀਆਂ ਨੇ ਜਿੱਤੇ ਤਗਮੇ <br/> ਅਗਲੀ ਖ਼ਬਰ ਨਗਰ ਕੀਰਤਨ ਅੱਜ ਜਗਰਾਉਂ ਸ਼ੇਰਪੁਰਾ ਚੌਂਕ ਵਿਖੇ ਪਹੁੰਚੇਗਾ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।