ਜਗਰਾਉਂ, 19 ਜੁਲਾਈ (ਸ਼ਮਸ਼ੇਰ ਸਿੰਘ ਗਾਲਿਬ)-ਜਲੰਧਰ ਦੂਰਦਰਸ਼ਨ ਵਲੋਂ ਵਿਸ਼ੇਸ਼ ਤੌਰ 'ਤੇ ਤਿਆਰ ਕੀਤਾ ਰੰਗਾਰੰਗ ਪ੍ਰੋਗਰਾਮ 'ਧਮਕ ਪੰਜਾਬ ਦੀ' ਦਾ ਪ੍ਰਸਾਰਣ ਅੱਜ 20 ਜੁਲਾਈ ਦਿਨ ਐਤਵਾਰ ਰਾਤ ਨੂੰ 8 ਤੋਂ 8:30 ਵਜੇ ਤੱਕ ਪ੍ਰਸਾਰਤ ਕੀਤਾ ਜਾਵੇਗਾ | ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆਂ ਇਸ ਨੈਸ਼ਨਲ ਐਵਾਰਡੀ ਅਮਰੀਕ ਸਿੰਘ ਤਲਵੰਡੀ ਨੇ ਦੱਸਿਆ ਕਿ ਇਸ ਪ੍ਰੋਗਰਾਮ ਵਿਚ ਪੱਤਰਕਾਰ ਤੇ ਗਾਇਕ ਕੁਲਦੀਪ ਸਿੰਘ ਮਾਨ ਆਪਣੇ ਗੀਤ ਨਵੇਂ ਗੀਤ 'ਬਾਪੂ ਤੇਰੀ ਯਾਦ' ਰਾਹੀਂ ਦਰਸ਼ਕਾਂ ਦੇ ਰੂਬਰੂ ਹੋਣਗੇ | ਉਨ੍ਹਾਂ ਦੱਸਿਆ ਕਿ ਇਹ ਗੀਤ ਕੈਨੇਡਾ ਦੀਆਂ ਵੱਖ-ਵੱਖ ਲੋਕੇਸ਼ਨਾਂ 'ਤੇ ਫਿਲਮਾਇਆ ਗਿਆ ਹੈ | ਇਸ ਸਿੰਗਲ ਟਰੈਕ 'ਬਾਪੂ ਤੇਰੀ ਯਾਦ' ਨੂੰ ਵਿਦੇਸ਼ਾਂ ਵਿਚੋਂ ਭਰਪੂਰ ਹੁੰਗਾਰਾ ਮਿਲ ਰਿਹਾ ਹੈ |
