ਦਸੂਹਾ, 16 ਜੁਲਾਈ (ਕੌਸ਼ਲ)- ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਮਨਮੋਹਨ ਸਿੰਘ ਸਿਵਲ ਹਸਪਤਾਲ ਦਸੂਹਾ ਦੀ ਯੋਗ ਅਗਵਾਈ ਹੇਠ ਪੀ.ਐੱਚ.ਸੀ. ਮੰਡ ਪੰਧੇਰ ਵਿਖੇ ਰੋਗੀ ਕਲਿਆਣ ਸੰਮਤੀ ਦੀ ਇਸ ਸਾਲ ਦੀ ਪਹਿਲੇ ਕੁਆਰਟਰ ਦੀ ਮੀਟਿੰਗ ਹੋਈ | ਇਸ ਮੌਕੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਮਨਮੋਹਨ ਸਿੰਘ ਸਿਵਲ ਹਸਪਤਾਲ ਦਸੂਹਾ ਨੇ ਦੱਸਿਆ ਕਿ ਰੋਗੀ ਕਲਿਆਣ ਸੰਮਤੀ ਦੀ ਮੀਟਿੰਗ 'ਚ ਕੁੱਝ ਅਹਿਮ ਫ਼ੈਸਲੇ ਲਏ ਗਏ, ਜਿਨ੍ਹਾਂ ਨੂੰ ਜਲਦ ਹੀ ਪੂਰਾ ਕੀਤਾ ਜਾਵੇਗਾ | ਇਸ ਦੇ ਨਾਲ ਹੀ ਸੀਨੀਅਰ ਮੈਡੀਕਲ ਅਫ਼ਸਰ ਡਾ.ਮਨਮੋਹਨ ਸਿੰਘ ਸਿਵਲ ਹਸਪਤਾਲ ਦਸੂਹਾ ਨੇ ਪੀ.ਐੱਚ.ਸੀ. ਮੰਡ ਪੰਧੇਰ ਦੇ ਵੱਖ-ਵੱਖ ਵਾਰਡਾਂ, ਦਫ਼ਤਰਾਂ, ਐਮਰਜੈਂਸੀ, ਫਾਰਮੇਸੀ ਅਤੇ ਪੀ.ਐੱਚ.ਸੀ. ਮੰਡ ਪੰਧੇਰ 'ਚ ਚੱਲ ਰਹੇ ਕੰਮਾਂ ਦਾ ਜਾਇਜ਼ਾ ਲਿਆ | ਇਸ ਮੌਕੇ ਡਾ. ਸੰਦੀਪ ਕੌਰ ਮੈਡੀਕਲ ਅਫ਼ਸਰ, ਰਾਜੀਵ ਕੁਮਾਰ ਬੀ.ਈ.ਈ., ਚੀਫ਼ ਫਾਰਮੇਸੀ ਅਫ਼ਸਰ ਨਿਰਮਲ ਕੌਰ, ਸੁਨੀਤਾ ਦੇਵੀ ਸੀਨੀਅਰ ਸਹਾਇਕ, ਜਸਵੀਰ ਕੌਰ ਨਰਸਿੰਗ ਸਿਸਟਰ, ਪੁਸ਼ਪਿੰਦਰ ਕੌਰ ਪਿ੍ੰਸੀਪਲ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਤੇਲੀਚੱਕ, ਜੋਵਿੰਦਰ ਸਿੰਘ ਹੈੱਡ ਟੀਚਰ ਸਰਕਾਰੀ ਹਾਈ ਸਕੂਲ ਸਕੂਲ ਤੇਲੀਚੱਕ ਹਾਜ਼ਰ ਹੋਏ |
