ਮੁੰਬਈ, 6 ਨਵੰਬਰ (ਪੀ. ਟੀ. ਆਈ.)-'ਉਲਝਣ' ਅਤੇ 'ਚੇਹਰੇ ਪੇ ਚਿਹਰਾ' ਵਰਗੀਆਂ ਫਿਲਮਾਂ ਲਈ ਜਾਣੀ ਜਾਂਦੀ ਬਜ਼ੁਰਗ ਪਿੱਠਵਰਤੀ ਗਾਇਕਾ ਅਤੇ ਅਦਾਕਾਰਾ ਸੁਲਕਸ਼ਣਾ ਪੰਡਿਤ (71) ਦਾ ਵੀਰਵਾਰ ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ | ਸੁਲਕਸ਼ਣਾ ਨੇ 1975 ਵਿਚ ਸੰਜੀਵ ਕੁਮਾਰ ਦੇ ਨਾਲ 'ਉਲਝਣ' ਰਾਹੀਂ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ ਅਤੇ ਫਿਰ ਰਾਜੇਸ਼ ਖੰਨਾ, ਸ਼ਸ਼ੀ ਕਪੂਰ ਅਤੇ ਵਿਨੋਦ ਖੰਨਾ ਸਮੇਤ ਆਪਣੇ ਸਮੇਂ ਦੇ ਲਗਭਗ ਸਾਰੇ ਚੋਟੀ ਦੇ ਸਿਤਾਰਿਆਂ ਨਾਲ ਕੰਮ ਕੀਤਾ | ਉਸ ਦੀਆਂ ਹੋਰ ਵੱਡੀਆਂ ਫਿਲਮਾਂ 'ਸੰਕੋਚ', 'ਹੇਰਾ ਫੇਰੀ', 'ਖੰਡਨ' ਅਤੇ 'ਧਰਮ ਖਾਤਾ' ਹਨ | ਉਸ ਨੇ ਇਕ ਪਿੱਠਵਰਤੀ ਗਾਇਕਾ ਦੇ ਰੂਪ 'ਚ ਸਮਾਨਾਂਤਰ ਅਤੇ ਬਰਾਬਰ ਪ੍ਰਭਾਵਸ਼ਾਲੀ ਕੈਰੀਅਰ ਵੀ ਬਣਾਇਆ ਅਤੇ 'ਤੂ ਹੀ ਸਾਗਰ ਤੂ ਹੀ ਕਿਨਾਰਾ', 'ਪਰਦੇਸੀਆ ਤੇਰੇ ਦੇਸ ਵਿਚ', 'ਬੇਕਰ ਦਿਲ ਟੂਟ ਗਿਆ', 'ਬੰਧੀ ਰੇ ਕਹੇ ਪ੍ਰੀਤ' ਅਤੇ 'ਸੋਮਵਾਰ ਕੋ ਹਮ ਮਿਲੇ' ਵਰਗੇ ਹਿੱਟ ਗੀਤ ਗਾਏ |