ਪਟਨਾ, 6 ਨਵੰਬਰ (ਪੀ. ਟੀ. ਆਈ.)-ਰਾਜਦ ਮੁਖੀ ਨੇ ਵੀਰਵਾਰ ਨੂੰ ਬਿਹਾਰ 'ਚ ਸਰਕਾਰ ਬਦਲਣ ਦਾ ਸੱਦਾ ਦਿੰਦਿਆਂ ਕਿਹਾ ਕਿ ਰੋਟੀ ਨੂੰ ਤਵੇ 'ਤੇ ਲਗਾਤਾਰ ਪਲਟਦੇ ਰਹਿਣਾ ਚਾਹੀਦਾ ਹੈ, ਨਹੀਂ ਤਾਂ ਇਹ ਸੜ ਜਾਵੇਗੀ | ਆਪਣੀ ਪਤਨੀ ਰਾਬੜੀ ਦੇਵੀ ਅਤੇ ਬੇਟੇ ਅਤੇ ਮਹਾਗਠਬੰਧਨ ਦੇ ਮੁੱਖ ਮੰਤਰੀ ਅਹੁਦੇ ਦੇ ਉਮੀਦਵਾਰ ਤੇਜਸਵੀ ਯਾਦਵ ਦੇ ਨਾਲ ਵੋਟ ਪਾਉਣ ਵਾਲੇ ਇਸ ਸੀਨੀਅਰ ਆਗੂ ਨੇ ਐਕਸ 'ਤੇ ਇਕ ਤਸਵੀਰ ਪੋਸਟ ਕੀਤੀ ਜਿਸ ਵਿਚ ਪੂਰਬੀ ਸੂਬੇ 'ਚ ਸਰਕਾਰ ਬਦਲਣ ਦਾ ਸੱਦਾ ਦਿੱਤਾ ਗਿਆ ਹੈ | ਉਨ੍ਹਾਂ ਨੇ ਅੱਗੇ ਕਿਹਾ,''ਰੋਟੀ ਨੂੰ ਤਵੇ 'ਤੇ ਪਲਟਣਾ ਚਾਹੀਦਾ ਹੈ, ਨਹੀਂ ਤਾਂ ਇਹ ਸੜ ਜਾਵੇਗੀ | 20 ਸਾਲ ਬਹੁਤ ਲੰਮਾ ਸਮਾਂ ਹੈ, ਹੁਣ ਇਕ ਨਵਾਂ ਬਿਹਾਰ ਬਣਾਉਣ ਦੇ ਲਈ ਤੇਜਸਵੀ ਸਰਕਾਰ ਜ਼ਰੂਰੀ ਹੈ |''