ਅੱਜ ਉੱਠਦੇ ਸਾਰ ਚਿਹਰੇ ਉਤੇ ਹਲਕਾ ਜਿਹਾ ਮਲਾਲ ਸੀ, ਜਿਵੇਂ ਨੀਂਦ ਵਿਚੋਂ ਉਠ ਕੇ ਕੁਝ ਗ਼ਲਤੀ ਜਿਹੀ ਕਰ ਲਈ ਹੋਵੇ, ਜਿਵੇਂ ਕੋਈ ਸੁਪਨਾ, ਸੁਪਨੇ ਵਿਚ ਹੀ ਪੂਰਾ ਹੋਣਾ ਰਹਿ ਗਿਆ ਹੋਵੇ | ਕੰਬਲ ਆਪਣੇ ਮੂੰਹ ਉੱਪਰ ਲੈ ਕੇ ਦੁਬਾਰਾ ਨੀਂਦ ਲੈਣ ਦੀ ਕੋਸ਼ਿਸ਼ ਕੀਤੀ, ਪਰ ਗੱਲ ਨਾ ਬਣ ਸਕੀ, ਜਿਵੇਂ ਕਿ ਸੁਪਨਾ ਸੁਪਨੇ ਵਿਚ ਅਧੂਰਾ ਹੋਵੇ | ਗੱਲ ਹਰ ਵਾਰ ਇਥੇ ਹੀ ਫਸੀ ਰਹਿੰਦੀ ਹੈ, ਇਹ ਸੁਪਨਾ ਮੈਨੂੰ ਹਕੀਕਤ ਵਾਂਗ ਲੱਗਦਾ ਹੈ, ਜਾਂ ਫ਼ਿਰ ਜਿਉਂ ਮੈਂ ਸੁਪਨੇ ਵਿਚੋਂ ਉੱਠਿਆ ਹੀ ਨਾ ਹੋਵਾਂ, ਕੀ ਪਤਾ ਹੁਣ ਵੀ ਮੈਂ ਸੁਪਨਾ ਦੇਖ ਰਿਹਾ ਹੋਵਾਂ, ਸੋਚ-ਸੋਚ ਕੇ ਸੋਚ ਵੀ ਖ਼ਤਮ ਹੋ ਜਾਂਦੀ ਹੈ | ਇਕ ਦਿਨ ਇਹ ਨਾ ਹੋਵੇ ਕਿ ਜ਼ਿੰਦਗੀ 'ਚ ਮਿਹਨਤ ਨਾਲ ਆਪਣੇ ਹੱਥਾਂ-ਪੈਰਾਂ ਨਾਲ ਕੀਤੀ ਕਮਾਈ ਆਪਣੇ ਸੁਪਨੇ ਮਾਰ ਕੇ ਬਣਾਇਆ ਸਭ ਕੁਝ ਇਕ ਦਿਨ ਨੀਂਦ ਵਿਚੋਂ ਉੱਠਣ ਨਾਲ ਹੀ ਖ਼ਤਮ ਨਾ ਹੋ ਜਾਵੇ | ਕੀ ਪਤਾ ਇਹ ਸੁਪਨਾ ਹੀ ਨਾ ਹੋਵੇ |
-ਪਿੰਡ ਅਬੁੱਲਖੁਰਾਣਾ, ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ |
