ਬਰਨਾਲਾ ਦੇ ਵੱਖ-ਵੱਖ ਮੰਦਰਾਂ ’ਚ ਸ੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦਾ ਤਿਉਹਾਰ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ
ਬਰਨਾਲਾ, 5 ਸਤੰਬਰ (ਅਰੋੜਾ)-ਬਰਨਾਲਾ ਦੇ ਵੱਖ-ਵੱਖ ਮੰਦਰਾਂ ਵਿਚ ਜਨਮ ਅਸ਼ਟਮੀ ਦਾ ਤਿਉਹਾਰ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਸ਼ਹਿਰ ਦੇ ਪ੍ਰਸਿੱਧ ਪੰਚਾਇਤੀ ਮੰਦਰ, ਆਦਿ ਸ਼ਕਤੀ ਮੰਦਰ, ਐਸ.
ਬਰਨਾਲਾ, 5 ਸਤੰਬਰ (ਅਰੋੜਾ)-ਬਰਨਾਲਾ ਦੇ ਵੱਖ-ਵੱਖ ਮੰਦਰਾਂ ਵਿਚ ਜਨਮ ਅਸ਼ਟਮੀ ਦਾ ਤਿਉਹਾਰ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਸ਼ਹਿਰ ਦੇ ਪ੍ਰਸਿੱਧ ਪੰਚਾਇਤੀ ਮੰਦਰ, ਆਦਿ ਸ਼ਕਤੀ ਮੰਦਰ, ਐਸ.ਡੀ. ਸਭਾ, ਗੀਤਾ ਭਵਨ, ਰਾਮ ਬਾਗ ਮੰਦਰ, ਸ਼੍ਰੀ ਬਾਲਾ ਜੀ ਮੰਦਰ ਸਮੇਤ ਹੋਰ ਕਈ ਮੰਦਰਾਂ ਵਿਚ ਸਵੇਰ ਤੋਂ ਹੀ ਸ਼ਰਧਾਲੂਆਂ ਦਾ ਤਾਂਤਾ ਲੱਗਿਆ ਰਿਹਾ। ਸਾਰੇ ਮੰਦਰਾਂ ਅਤੇ ਬਾਜ਼ਾਰਾਂ ਨੂੰ ਰੰਗ-ਬਿਰੰਗੀਆਂ ਲਾਈਟਾਂ ਅਤੇ ਫੁੱਲਾਂ ਨਾਲ ਬਹੁਤ ਹੀ ਸੁੰਦਰ ਢੰਗ ਨਾਲ ਸਜਾਇਆ ਗਿਆ ਸੀ। ਇਸ ਮੌਕੇ ਛੋਟੇ-ਛੋਟੇ ਬੱਚੇ ਸ਼੍ਰੀ ਕ੍ਰਿਸ਼ਨ ਅਤੇ ਰਾਧਾ ਦੇ ਸੁੰਦਰ ਸਵਰੂਪ ਵਿਚ ਸਜੇ ਹੋਏ ਬਹੁਤ ਹੀ ਪਿਆਰੇ ਲੱਗ ਰਹੇ ਸਨ। ਮੰਦਰਾਂ ਵਿਚ ਭਗਵਾਨ ਕ੍ਰਿਸ਼ਨ ਜੀ ਦੀਆਂ ਮਟਕੀ ਫੋੜਨ ਵਾਲੀਆਂ, ਮੱਖਣ ਖਾਣ ਵਾਲੀਆਂ ਅਤੇ ਰਾਧਾ-ਕ੍ਰਿਸ਼ਨ ਦੀਆਂ ਆਕਰਸ਼ਿਤ ਕਰਨ ਵਾਲੀਆਂ ਸੁੰਦਰ ਝਾਕੀਆਂ ਜੋ ਸ਼ਰਧਾਲੂਆਂ ਲਈ ਖਿੱਚ ਦਾ ਕੇਂਦਰ ਬਣੀਆਂ ਰਹੀਆਂ। ਮੰਦਰਾਂ ਵਿਚ ਭਗਵਾਨ ਨੂੰ ਮੱਖਣ-ਮਿਸ਼ਰੀ ਅਤੇ ਛੱਪਣ ਭੋਗ ਲਗਾਏ ਗਏ ਅਤੇ ਪ੍ਰਸ਼ਾਦ ਵੰਡਿਆ ਗਿਆ। ਭਗਤਾਂ ਦੀਆਂ ਲੰਬੀਆਂ-ਲੰਬੀਆਂ ਲਾਈਨਾਂ ਲੱਗੀਆਂ ਹੋਈਆਂ ਸਨ ਅਤੇ ਹਰ ਪਾਸੇ ‘ਹਾਥੀ ਘੋੜਾ ਪਾਲਕੀ, ਜੈ ਕਨ੍ਹਈਆ ਲਾਲ ਕੀ’ ਦੇ ਜੈਕਾਰੇ ਗੂੰਜ ਰਹੇ ਸਨ। ਬਰਨਾਲਾ ਦਾ ਨਜ਼ਾਰਾ ਕੁੱਝ ਇਸ ਤਰ੍ਹਾਂ ਦਾ ਸੀ ਜਿਵੇਂ ਵ੍ਰਿੰਦਾਵਨ ਸ਼ਹਿਰ ਬਰਨਾਲਾ ਵਿਚ ਹੀ ਆ ਗਿਆ ਹੋਵੇ। ਰਾਤ 12 ਵਜੇ ਜਿਵੇਂ ਹੀ ਭਗਵਾਨ ਸ਼੍ਰੀ ਕ੍ਰਿਸ਼ਨ ਜੀ ਦਾ ਜਨਮ ਹੋਇਆ ਤਾਂ ਸਾਰੇ ਮੰਦਰਾਂ ਵਿਚ ਘੰਟੀਆਂ ਅਤੇ ਸ਼ੰਖ ਵੱਜਣ ਲੱਗ ਪਏ। ਕਈ ਮੰਦਰਾਂ ਵਿਚ ਕੇਕ ਕੱਟ ਕੇ ਭਗਵਾਨ ਦਾ ਜਨਮ ਦਿਨ ਮਨਾਇਆ ਗਿਆ ਅਤੇ ਦੇਰ ਰਾਤ ਤੱਕ ਭਜਨ-ਕੀਰਤਨ ਦਾ ਆਯੋਜਨ ਕੀਤਾ ਗਿਆ।
