ਕੋਟਸ਼ਮੀਰ ਜੀਓ ਟਾਵਰ ਤੇ ਓਵਰਏਜ ਜਨਰੇਟਰ ਦੀ ਥਾਂ ਆਇਆ ਨਵਾਂ ਜਨਰੇਟਰ

ਕੋਟਫੱਤਾ, 1 ਨਵੰਬਰ (ਰਣਜੀਤ ਸਿੰਘ ਬੁੱਟਰ)- 10 ਹਜ਼ਾਰ ਦੀ ਆਬਾਦੀ ਵਾਲੇ ਨਗਰ ਕੋਟਸ਼ਮੀਰ ਵਿਖੇ ਬਿਜਲੀ ਸਪਲਾਈ ਨਾਂ ਹੋਣ ਅਤੇ ਜਨਰੇਟਰ ਦੀ ਖ਼ਰਾਬੀ ਕਾਰਨ ਜੀਓ ਦੇ ਮੋਬਾਈਲ ਟਾਵਰ ਤੋਂ ਪਿਛਲੇ ਲੰਮੇ ਸਮੇਂ ਤੋਂ ਆ ਰਹੀ ਸਮੱਸਿਆ ਕਾਰਨ ਖਪਤਕਾਰਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ਇਸ ਸਮੱਸਿਆ ਕਾਰਨ ਟਾਵਰ ਦੀ ਰੇਂਜ ਪ੍ਰਭਾਵਿਤ ਹੋ ਰਹੀ ਸੀ ਜਿਸ ਨੂੰ ਅਜੀਤ ਅਖ਼ਬਾਰ ਵਿਚ ਪ੍ਰਮੁੱਖਤਾ ਨਾਲ ਉਠਾਉਣ ਤੋਂ ਬਾਅਦ ਜੀਓ ਕੰਪਨੀ ਦੇ ਅਧਿਕਾਰੀਆਂ ਨੇ ਇਸ ਦਾ ਗੰਭੀਰ ਨੋਟਿਸ ਲੈਂਦਿਆਂ 4 ਕੁ ਦਿਨਾਂ ਵਿਚ ਉਵਰਏਜ ਜਨਰੇਟਰ ਦੀ ਥਾਂ ਨਵਾਂ ਜਨਰੇਟਰ ਰਖਵਾ ਦਿੱਤਾ ਜਿਸ ਨਾਲ ਨੈੱਟਵਰਕ ਦੀ ਆ ਰਹੀ ਸਮੱਸਿਆ ਦਾ ਹੱਲ ਹੋ ਗਿਆ ਤੇ ਜੀਓ ਖਪਤਕਾਰਾਂ ਸੁੱਖ ਦਾ ਸਾਹ ਲਿਆ।