ਨਵੀਂ ਦਿੱਲੀ, 17 ਸਤੰਬਰ (ਪੀ.ਟੀ.ਆਈ.)-ਸਰਕਾਰੀ ਰੱਖਿਆ ਕੰਪਨੀ ਹਿੰਦੁਸਤਾਨ ਐਰੋਨੌਟਿਕਸ ਲਿਮਟਿਡ (ਐਚ.ਏ.ਐਲ.) 18 ਸਤੰਬਰ ਨੂੰ ਬੈਂਗਲੁਰੂ ’ਚ ਭਾਰਤੀ ਹਵਾਈ ਸੈਨਾ ਨੂੰ ਐਲ.ਸੀ.ਏ. ਤੇਜਸ (ਐਫ਼.ਓ.ਸੀ.) ਦਾ ਦੋ-ਸੀਟਾਂ ਵਾਲਾ ਟ੍ਰੇਨਰ ਜਹਾਜ਼ ਤੇ ਐਚ.ਟੀ.ਟੀ.-40 ਬੇਸਿਕ ਟ੍ਰੇਨਰ ਜਹਾਜ਼ ਸੌਂਪੇਗੀ। ਇਸ ਦੇ ਨਾਲ ਹੀ ਕੰਪਨੀ ਵੱਲੋਂ ‘ਪਵਨ ਹੰਸ’ ਨੂੰ ਅਗਲੀ ਪੀੜ੍ਹੀ ਦਾ ਧਰੁਵ ਹੈਲੀਕਾਪਟਰ ਵੀ ਸੌਂਪਿਆ ਜਾਵੇਗਾ। ਅਧਿਕਾਰੀਆਂ ਮੁਤਾਬਕ, ਇਨ੍ਹਾਂ ਜਹਾਜ਼ਾਂ ਤੇ ਹੈਲੀਕਾਪਟਰ ਦੀ ਸਪੁਰਦਗੀ ਭਾਰਤ ਦੀ ਰੱਖਿਆ ਤੇ ਏਰੋਸਪੇਸ ਖੇਤਰ ’ਚ ਆਤਮਨਿਰਭਰਤਾ ਵੱਲ ਇਕ ਮਹੱਤਵਪੂਰਨ ਕਦਮ ਹੈ।
