ਵਿਗਿਆਨਕ ਪ੍ਰਦਰਸ਼ਨੀ ਵਿਦਿਆਰਥੀਆਂ ਲਈ ਪ੍ਰਭਾਵਸ਼ਾਲੀ ਸਿੱਖਣ ਦਾ ਸਾਧਨ ਹੋਈ ਸਾਬਤ

ਪਟਿਆਲਾ, 3 ਅਕਤੂਬਰ (ਭਗਵਾਨ ਦਾਸ)- ਦਿੱਲੀ ਪਬਲਿਕ ਸਕੂਲ ਵਿਖੇ ਵਿਗਿਆਨਕ ਪ੍ਰਦਰਸ਼ਨੀ ਵਿੱਚ ਭੌਤਿਕ ਵਿਗਿਆਨ, ਰਸਾਇਣ ਵਿਗਿਆਨ, ਜੀਵ ਵਿਗਿਆਨ ਅਤੇ ਰੋਬੋਟਿਕਸ ਨਾਲ ਸੰਬੰਧਿਤ ਵਿਸ਼ਿਆਂ ਨੂੰ ਅਹਿਮੀਅਤ ਦਿੱਤੀ ਗਈ| ਇਸ ਸਮੇਂ ਰੈਸਕਿਊ ਮੇਜ਼, ਰਿਮੋਟ ਕੰਟਰੋਲ ਕਾਰ, ਆਟੋਮੈਟਿਕ ਰੇਨ ਓਪਰੇਟਿਡ ਰੂਫਟੌਪ ਕਵਰ ਅਤੇ ਮਨੁੱਖੀ ਮਲ ਨਿਕਾਸ ਪ੍ਰਣਾਲੀ ਵਰਗੇ ਵਿਸ਼ੇ ਕੇਂਦਰ ਰਹੇ| ਵਿਦਿਆਰਥੀਆਂ ਨੇ ਪੂਰੇ ਉਤਸ਼ਾਹ ਨਾਲ ਆਪਣੇ ਮਾਡਲਾਂ ਅਤੇ ਆਪਣੇ ਵਿਗਿਆਨਕ ਗਿਆਨ ਦਾ ਪ੍ਰਦਰਸ਼ਨ ਕੀਤਾ| ਪ੍ਰਦਰਸ਼ਨੀ ਮੌਕੇ ਪ੍ਰਿੰਸੀਪਲ ਸੰਤੋਸ਼ ਸ਼ੁਕਲਾ ਨੇ ਮਾਪਿਆਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਪ੍ਰਦਰਸ਼ਨੀ ਵਿਦਿਆਰਥੀਆਂ ਲਈ ਇੱਕ ਮੱਹਤਵਪੂਰਨ ਸਿੱਖਣ ਦਾ ਸਾਧਨ ਹੈ। ਭਵਿੱਖ ’ਚ ਇਸ ਮਾਡਲ ਦੀਆਂ ਹੋਰ ਪ੍ਰਦਰਸ਼ਨੀਆਂ ਲਾਈਆਂ ਜਾਣਗੀਆਂ|