ਚੰਡੀਗੜ੍ਹ, 1 ਅਕਤੂਬਰ (ਅ.ਬ.)-ਮੁਥੂਟ ਫਿਨਕੌਰਪ ਹੁਣ ਭਾਰਤ ਵਿੱਚ ਹੋਣ ਵਾਲੇ ਘਰੇਲੂ ਕ੍ਰਿਕਟ ਮੈਚਾਂ ਦੇ ਨਾਲ-ਨਾਲ ਸਾਰੀਆਂ ਅੰਤਰਰਾਸ਼ਟਰੀ ਸੀਰੀਜ਼ ਅਤੇ ਟੂਰਨਾਮੈਂਟਾਂ ਦਾ ਟਾਈਟਲ ਸਪਾਂਸਰ ਬਣ ਗਿਆ ਹੈ। ਇਸ ਸਾਂਝੇਦਾਰੀ ਨਾਲ ਮੁਥੂਟ ਫਿਨਕੌਰਪ ਦਾ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਨਾਲ ਜੁੜਾਅ ਭਾਰਤੀ ਕ੍ਰਿਕਟ ਦੇ ਵੱਡੇ ਪੱਧਰ ਤੱਕ ਪਹੁੰਚ ਗਿਆ ਹੈ। ਇਸ ਸਾਂਝੇਦਾਰੀ ਤਹਿਤ ਭਾਰਤੀ ਸੀਨੀਅਰ ਪੁਰਸ਼ ਅਤੇ ਮਹਿਲਾ ਰਾਸ਼ਟਰੀ ਟੀਮਾਂ, ਇੰਡੀਆ-ਏ ਪੁਰਸ਼ ਟੀਮ, ਇੰਡੀਆ-ਬੀ ਪੁਰਸ਼ ਟੀਮ, ਇੰਡੀਆ-ਏ ਮਹਿਲਾ ਟੀਮ, ਅੰਡਰ-19 ਪੁਰਸ਼ ਅਤੇ ਮਹਿਲਾ ਟੀਮਾਂ ਸਮੇਤ ਹੋਰ ਨਿਰਧਾਰਤ ਟੀਮਾਂ ਦੇ ਮੈਚ ਸ਼ਾਮਿਲ ਹੋਣਗੇ। ਇਸ ਤੋਂ ਇਲਾਵਾ ਰਣਜੀ ਟਰਾਫੀ, ਇਰਾਨੀ ਕੱਪ, ਦਲੀਪ ਟਰਾਫੀ, ਵਿਜੇ ਹਜ਼ਾਰੇ ਟਰਾਫੀ, ਦੇਵਧਰ ਟਰਾਫੀ ਅਤੇ ਸਈਦ ਮੁਸ਼ਤਾਕ ਅਲੀ ਟਰਾਫੀ ਵਰਗੇ ਪ੍ਰਮੁੱਖ ਘਰੇਲੂ ਟੂਰਨਾਮੈਂਟ ਵੀ ਇਸ ਸਾਂਝੇਦਾਰੀ ਦਾ ਹਿੱਸਾ ਹੋਣਗੇ। ਮੁਥੂਟ ਫਿਨਕੌਰਪ ਲਿਮਟਿਡ ਦੇ ਜੁਆਇੰਟ ਮੈਨੇਜਿੰਗ ਡਾਇਰੈਕਟਰ ਥਾਮਸ ਜਾਰਜ ਮੁਥੂਟ ਨੇ ਕਿਹਾ ਕਿ ਬੀਸੀਸੀਆਈ ਨਾਲ ਇਹ ਸਾਂਝੇਦਾਰੀ ਰਾਸ਼ਟਰੀ ਅਤੇ ਘਰੇਲੂ ਦੋਵਾਂ ਪੱਧਰਾਂ ’ਤੇ ਭਾਰਤੀ ਕ੍ਰਿਕਟ ਨੂੰ ਸਹਿਯੋਗ ਦੇਣ ਦੀ ਕੰਪਨੀ ਦੀ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ। ਕੰਪਨੀ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਸ਼ਾਜੀ ਵਰਗੀਜ਼ ਨੇ ਕਿਹਾ ਕਿ ਇਹ ਸਾਂਝੇਦਾਰੀ ਮੁਥੂਟ ਫਿਨਕੌਰਪ ਨੂੰ ਆਮ ਭਾਰਤੀ ਦੀ ਰੋਜ਼ਾਨਾ ਜ਼ਿੰਦਗੀ ਅਤੇ ਉਸ ਦੀਆਂ ਕਹਾਣੀਆਂ ਨਾਲ ਹੋਰ ਨੇੜਿਓਂ ਜੁੜਨ ਦਾ ਮੌਕਾ ਦਿੰਦੀ ਹੈ।
