ਚੇਅਰਪਰਸਨ ਰਾਜਵਿੰਦਰ ਕੌਰ ਦੀ ਅਗਵਾਈ ਹੇਠ ਪਿੰਡ ਰਉਵਾਲ ਦੇ ਕਈ ਪਰਿਵਾਰ ਭਗਵਾਨਪੁਰ ਟੀਮ ’ਚ ਸ਼ਾਮਿਲ

ਧਿਆਨਪੁਰ, 19 ਸਤੰਬਰ (ਕੁਲਦੀਪ ਸਿੰਘ ਸੋਨੂੰ)-ਜੱਗੂ ਭਗਵਾਨਪੁਰ ਦੀ ਟੀਮ ਵਲੋਂ ਚੇਅਰਪਰਸਨ ਰਾਜਵਿੰਦਰ ਕੌਰ ਦੀ ਅਗਵਾਈ ਵਿਚ ਪਿੰਡ ਰਉਵਾਲ ਵਿਚ ਇਕ ਮੀਟਿੰਗ ਕਰ ਕੇ ਬਹੁਤ ਸਾਰੇ ਲੋਕਾਂ ਨੂੰ ਭਗਵਾਨਪੁਰ ਟੀਮ ਵਿਚ ਸ਼ਾਮਿਲ ਕੀਤਾ। ਇਸ ਸੰਬੰਧੀ ਚੇਅਰਪਰਸਨ ਰਾਜਵਿੰਦਰ ਕੌਰ ਤੇ ਸਾਬਕਾ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਦਲਬੀਰ ਸਿੰਘ ਭਿੱਲਾ ਕੋਟਲੀ ਨੇ ਦੱਸਿਆ ਕਿ ਭਗਵਾਨਪੁਰ ਟੀਮ ਵਲੋਂ ਗਰੀਬ ਲੜਕੀਆਂ ਦੇ ਵਿਆਹ ’ਤੇ 21 ਹਜ਼ਾਰ ਦਾ ਸ਼ਗਨ ਦੇਣ, ਗੁਰਦੁਆਰਿਆਂ, ਮੰਦਰਾਂ, ਮਸੀਤਾਂ, ਖੇਡ ਕਲੱਬਾਂ ਤੇ ਹੋਰ ਲੋਕ ਭਲਾਈ ਦੇ ਕੰਮਾਂ ਲਈ ਕੀਤੇ ਜਾ ਰਹੇ ਯਤਨਾਂ ਤੋਂ ਪ੍ਰੇਰਿਤ ਹੋ ਕੇ ਪਿੰਡ ਰਉਵਾਲ ਵਿਚੋਂ ਸ਼ਿਵ ਦਿਆਲ ਧੀਰ ਮਹਿਤਾ, ਪ੍ਰਸ਼ੋਤਮ ਲਾਲ, ਰਵੀ ਕੁਮਾਰ, ਸੁਨੀਲ ਕੁਮਾਰ, ਦਲਬੀਰ ਸਿੰਘ ਫੌਜੀ, ਪਿਆਰਾ ਲਾਲ, ਸਰਬਜੀਤ ਸਿੰਘ, ਮਲਕੀਤ ਸਿੰਘ, ਦੀਪੂ, ਸਰਵੀਨ ਸਿੰਘ, ਗੁਰਬਾਜ ਸਿੰਘ, ਰਾਜਾ ਮਸੀਹ, ਦੀਪਕ ਮਹਿਤਾ, ਰਕੇਸ਼ ਕੁਮਾਰ, ਸਾਂਬਰ ਮਸ਼ੀਹ, ਬੱਬੀ ਮਸੀਹ, ਭਾਈ ਪੂਰਨ, ਜੱਸਾ ਮਸੀਹ, ਚੰਨਾ ਮਸੀਹ, ਸੱਤਾ ਸ੍ਰੀ ਰਾਮ, ਰਿੰਕੂ ਮਸੀਹ, ਮੋਹਿਤ ਕੁਮਾਰ, ਰਾਧਾ ਰਾਣੀ, ਆਸਾ ਰਾਣੀ, ਸਰਬਜੀਤ ਕੌਰ, ਗੁਰਮੀਤ ਕੌਰ, ਆਸਾ ਰਾਣੀ ਅਤੇ ਰਮਾ ਆਦਿ ਤੋਂ ਇਲਾਵਾ ਹੋਰ ਬਹੁਤ ਸਾਰੇ ਪਰਿਵਾਰ ਨੇ ਭਗਵਾਨਪੁਰ ਟੀਮ ਦੀ ਰਹਿਨੁਮਾਈ ਕਬੂਲੀ।