ਜਤਿੰਦਰਾ ਗਰੀਨਫੀਲਡ ਸਕੂਲ ਵਿਖੇ ਕਰੀਅਰ ਕੌਂਸਲਿੰਗ ਦਾ ਆਯੋਜਨ
ਗੁਰੂਸਰ ਸੁਧਾਰ, 2 ਅਕਤੂਬਰ (ਬਲਵਿੰਦਰ ਸਿੰਘ ਧਾਲੀਵਾਲ) ਜਤਿੰਦਰਾ ਗਰੀਨਫੀਲਡ ਸਕੂਲ ਗੁਰੂਸਰ ਸੁਧਾਰ ਵਿਖੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ਕਰੀਅਰ ਕੌਂਸਲਿੰਗ ਦਾ ਅਯੋਜਨ ਕੀਤਾ ਗਿਆ, ਜਿਸ ਵਿਚ ਵੱਖ-ਵੱਖ ਸਟਰੀਮਾਂ ਜਿਵੇਂ ਸਾਇੰਸ, ਕਾਮਰਸ ਅਤੇ ਆਰਟਸ ਦੇ ਵਿਦਿਆਰਥੀ ਸ਼ਾਮਿਲ ਸਨ। ਇਸ ਕੌਂਸਲਿੰਗ ਦੌਰਾਨ ਵੱਖ ਵੱਖ ਕੋਰਸਾਂ ਤੇ ਡਿਗਰੀਆਂ ਜਿਵੇਂ ਫਰਮਾਸਿਟੀਕਲ, ਫੈਸ਼ਨ ਡਿਜਾਇਨਿੰਗ,ਅਡਮਿਸ਼ਨ ਕੌਂਸਲਿੰਗ, ਆਰਟਸ, ਕਾਮਰਸ, ਸਕਿਲ ਵਿਸ਼ਿਆਂ ਦੇ ਮਾਹਿਰ ਸ਼ਾਮਿਲ ਹੋਏ।
ਗੁਰੂਸਰ ਸੁਧਾਰ, 2 ਅਕਤੂਬਰ (ਬਲਵਿੰਦਰ ਸਿੰਘ ਧਾਲੀਵਾਲ) ਜਤਿੰਦਰਾ ਗਰੀਨਫੀਲਡ ਸਕੂਲ ਗੁਰੂਸਰ ਸੁਧਾਰ ਵਿਖੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ਕਰੀਅਰ ਕੌਂਸਲਿੰਗ ਦਾ ਅਯੋਜਨ ਕੀਤਾ ਗਿਆ, ਜਿਸ ਵਿਚ ਵੱਖ-ਵੱਖ ਸਟਰੀਮਾਂ ਜਿਵੇਂ ਸਾਇੰਸ, ਕਾਮਰਸ ਅਤੇ ਆਰਟਸ ਦੇ ਵਿਦਿਆਰਥੀ ਸ਼ਾਮਿਲ ਸਨ। ਇਸ ਕੌਂਸਲਿੰਗ ਦੌਰਾਨ ਵੱਖ ਵੱਖ ਕੋਰਸਾਂ ਤੇ ਡਿਗਰੀਆਂ ਜਿਵੇਂ ਫਰਮਾਸਿਟੀਕਲ, ਫੈਸ਼ਨ ਡਿਜਾਇਨਿੰਗ,ਅਡਮਿਸ਼ਨ ਕੌਂਸਲਿੰਗ, ਆਰਟਸ, ਕਾਮਰਸ, ਸਕਿਲ ਵਿਸ਼ਿਆਂ ਦੇ ਮਾਹਿਰ ਸ਼ਾਮਿਲ ਹੋਏ। ਇਸ ਤੋਂ ਪਹਿਲਾ ਇਨ੍ਹਾਂ ਵਿਦਿਆਰਥੀਆਂ ਦਾ ਬੈਂਗਲੁਰੂ ਦੀ ਕੰਪਨੀ ਵਲੋਂ ਸਾਈਕੋਮੈਟ੍ਰਿਕ ਟੈਸਟ ਵੀ ਹੋਇਆ ਤੇ ਇਸ ਦੌਰਾਨ ਪਰਖਿਆ ਗਿਆ ਕਿ ਵਿਦਿਆਰਥੀਆਂ ਦੀ ਕਿਸ ਕਿਸ ਵਿਸ਼ੇ ਵਿਚ ਰੁਚੀ ਹੈ। ਇਸੇ ਸਬੰਧੀ ਵਿਦਿਆਰਥੀ ਆਪਣੇ ਮਾਪਿਆਂ ਨਾਲ ਸਕੂਲ ਆਏ ਅਤੇ ਇਕੱਲੇ ਇਕੱਲੇ ਵਿਦਿਆਰਥੀ ਦੀ ਮਾਹਿਰਾਂ ਵਲੋਂ ਕੌਂਸਲਿੰਗ ਕੀਤੀ ਗਈ। ਵਿਦਿਆਰਥੀਆਂ ਨੂੰ ਜਾਣਕਾਰੀ ਦਿੱਤੀ ਗਈ ਕਿ ਜਿਹੜੇ ਜਿਹੜੇ ਕੋਰਸਾਂ ਵਿਚ ਦਾਖ਼ਲਾ ਲੈਣਾ ਹੈ, ਉਹ ਕਿਥੇ ਤੇ ਕਿਹੜੇ ਕਾਲਜ ਵਿਚ ਉਪਲਬਧ ਹਨ। ਬੱਚਿਆਂ ਨੂੰ ਭਵਿੱਖ ਦੇ ਕੋਰਸ ਚੁਣਨ ਲਈ ਲੋੜੀਂਦੇ ਅੰਕਾਂ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ। ਸਕੂਲ ਪ੍ਰਧਾਨ ਡਾ: ਐੱਚ.ਐੱਸ. ਧਾਲੀਵਾਲ, ਮੈਨੇਜਿੰਗ ਡਾਇਰੈਕਟਰ ਡਾ. ਮਨਪ੍ਰੀਤ ਕੌਰ ਧਾਲੀਵਾਲ ਅਤੇ ਪ੍ਰਿੰਸੀਪਲ ਚੰਦਰਸ਼ੇਖਰ ਨੇ ਬਾਹਰੋਂ ਆਈ ਕੌਂਸਲਿੰਗ ਟੀਮ ਦਾ ਵਿਦਿਆਰਥੀਆਂ ਲਈ ਕੀਮਤੀ ਸਮਾਂ ਦੇਣ ਦੇ ਨਾਲ ਨਾਲ ਵਿਦਿਆਰਥੀਆਂ ਤੇ ਉਨ੍ਹਾਂ ਦੇ ਮਾਪਿਆਂ ਦਾ ਵੀ ਇਸ ਪ੍ਰੋਗਰਾਮ ਨੂੰ ਸਫ਼ਲ ਬਣਾਉਣ ਲਈ ਧੰਨਵਾਦ ਕੀਤਾ।
