ਅਨਾਜ ਮੰਡੀਆਂ ਵਿਚ ਅਸਮਾਨ ਥੱਲੇ ਪਈ ਫਸਲ ਮੀਂਹ ਦੇ ਪਾਣੀ ਨਾਲ ਹੋਣ ਲੱਗੀ ਖਰਾਬ

ਤਪਾ ਮੰਡੀ, (ਬਰਨਾਲਾ), 11 ਅਕਤੂਬਰ (ਵਿਜੇ ਸ਼ਰਮਾ)- ਸਵੇਰੇ ਪਏ ਤੇਜ਼ ਮੀਂਹ ਕਾਰਨ ਭਾਵੇਂ ਮੌਸਮ ਠੰਢਾ ਜ਼ਰੂਰ ਹੋ ਗਿਆ, ਪਰ ਅਨਾਜ ਮੰਡੀਆਂ ਵਿਚ ਖੁੱਲੇ ਅਸਮਾਨ ਥੱਲੇ ਕਿਸਾਨਾਂ ਦੀ ਪੁੱਤਾਂ ਵਾਂਗੂ ਪਾਲੀ ਝੋਨੇ ਦੀ ਫ਼ਸਲ ਪਾਣੀ ਦੀ ਮਾਰ ਹੇਠ ਆ ਗਈ ਹੈ। ਭਾਵੇਂ ਫਸਲ ਕੋਲ ਖੜੇ ਕਿਸਾਨਾਂ ਅਤੇ ਮਜ਼ਦੂਰਾਂ ਨੇ ਫ਼ਸਲ ਨੂੰ ਤਿਰਪਾਲ ਨਾਲ ਢੱਕ ਦਿੱਤਾ ਗਿਆ ਹੈ ਫਿਰ ਵੀ ਗੱਟਿਆਂ ਅਤੇ ਢੇਰੀਆਂ ਵਿਚ ਪਈ ਫ਼ਸਲ ਵਿਚ ਪਾਣੀ ਚਲਾ ਗਿਆ ਹੈ। ਕਿਸਾਨ ਚਿੰਤਾ ਵਿਚ ਡੁੱਬੇ ਹੋਏ ਹਨ,  ਅਨਾਜ ਮੰਡੀ ਵਿਚ ਜਾ ਕੇ ਵੇਖਿਆ ਤਾਂ ਜਿਹੜੀ ਫਸਲ ਸ਼ੈਡਾਂ ਥੱਲੇ ਪਈ ਸੀ, ਉਹ ਬਿਲਕੁਲ ਸੁਰੱਖਿਅਤ ਹੈ ਅਤੇ ਜਿਹੜੀ ਖੁੱਲੇ ਆਸਮਾਨ ਹੇਠ ਪਈ ਸੀ, ਉਹ ਪਾਣੀ ਦੀ ਮਾਰ ਹੇਠ ਆ ਚੁੱਕੀ ਹੈ।