ਮਿਆਮੀ ਅੰਤਰ ਰਾਸ਼ਟਰੀ ਹਵਾਈ ਅੱਡੇ ‘ਤੇ ਕਾਰਗੋ ਜਹਾਜ਼ ਦੇ ਹਾਦਸਾਗ੍ਰਸਤ ਹੋਣ ਕਾਰਨ 5 ਮੌਤਾਂ

ਸਾਨ ਫਰਾਂਸਿਸਕੋ, 7 ਸਤੰਬਰ (ਐਸ.ਅਸ਼ੋਕ. ਭੌਰਾ) - ਅੱਜ ਮਿਆਮੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਰਨਵੇਅ ਤੋਂ ਉੱਡ ਜਾਣ ਤੋਂ ਬਾਅਦ ਐਮਾਜ਼ਾਨ ਦਾ ਇਕ ਕਾਰਗੋ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਇਸ ਹਾਦਸੇ ਵਿਚ ਘੱਟੋ-ਘੱਟ ਪੰਜ ਲੋਕਾਂ ਦੇ ਮਾਰੇ ਜਾਣ ਦੀ ਖ਼ਬਰ ਹੈ ਤੇ ਗੰਭੀਰ ਪੰਜ ਜ਼ਖ਼ਮੀ ਲੋਕ ਜੇਰੇ ਇਲਾਜ ਹਨ।ਹਾਦਸਾਗ੍ਰਸਤ ਜਹਾਜ  ਸੈਨ ਜੁਆਨ, ਪੋਰਟੋ ਰੀਕੋ ਤੋਂ ਰਵਾਨਾ ਹੋਇਆ ਸੀ।ਇਕ ਪ੍ਰੈਸ ਕਾਨਖ਼ਰੰਸ ਦੌਰਾਨ, ਮਿਆਮੀ-ਡੇਡ ਸ਼ੈਰਿਫ ਰੋਜ਼ੀ ਕੋਰਡੇਰੋ-ਸਟੁਟਜ਼ ਨੇ  ਦੱਸਿਆ ਕਿ ਐਮਾਜ਼ਾਨ ਕਾਰਗੋ ਜਹਾਜ਼ ਦੁਪਹਿਰ 1:58 ਵਜੇ  ਹਵਾਈ ਅੱਡੇ 'ਤੇ ਰਨਵੇਅ 30 ਤੋਂ ਉੱਪਰ ਉੱਠਣ ਤੋਂ ਬਾਅਦ ਹਾਦਸਾਗ੍ਰਸਤ ਹੋ ਗਿਆ। ਜਾਣਕਾਰੀ ਮੁਤਾਬਿਕ ਜਖਮੀਆਂ ਵਿਚ ਦੋ ਪਾਇਲਟ ਵੀ ਸ਼ਾਮਿਲ ਹਨ।ਹਾਲੇ ਤੱਕ ਅਧਿਕਾਰੀਆਂ ਨੇ ਮ੍ਰਿਤਕਾਂ ਜਾਂ ਉਨ੍ਹਾਂ ਲੋਕਾਂ ਦੀ ਪਛਾਣ ਜਾਰੀ ਨਹੀਂ ਕੀਤੀ, ਜਿਨ੍ਹਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ਸੀ।
ਫੈਡਰਲ ਏਵੀਏਸ਼ਨ ਪ੍ਰਸ਼ਾਸਨ ਨੇ ਇਕ ਬਿਆਨ ਵਿਚ ਕਿਹਾ ਕਿ ਏਅਰ ਫਲਾਈਟ 7598 ਐਤਵਾਰ ਦੁਪਹਿਰ 2 ਵਜੇ ਦੇ ਕਰੀਬ ਹਵਾਈ ਅੱਡੇ 'ਤੇ ਉਤਰਨ ਤੋਂ ਬਾਅਦ ਰਨਵੇਅ ਤੋਂ ਉੱਪਰ ਉੱਠ ਗਈ। ਜਹਾਜ਼, ਇਹ ਬੋਇੰਗ 767-300 ਕਾਰਗੋ ਜਹਾਜ਼, ਸੈਨ ਜੁਆਨ, ਪੋਰਟੋ ਰੀਕੋ ਦੇ ਲੁਈਸ ਮੁਨੋਜ਼ ਮਾਰਿਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਰਵਾਨਾ ਹੋਇਆ ਸੀ।ਨੈਸ਼ਨਲ ਟ੍ਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਵਲੋਂ ਹਾਦਸੇ ਦੀ ਜਾਂਚ ਲਈ ਮਿਆਮੀ ਇਕ ਵਿਸ਼ੇਸ਼ ਟੀਮ ਭੇਜੀ ਜਾ ਰਹੀ ਹੈ।ਇਹ ਉਡਾਣ ਉੱਤਰੀ ਕੈਰੋਲੀਨਾ ਵਿਚ ਸਥਿਤ ਇਕ ਕਾਰਗੋ ਕੈਰੀਅਰ, 21 ਏਅਰ ਦੁਆਰਾ ਚਲਾਈ ਜਾ ਰਹੀ ਸੀ ਤੇ ਕਰੀਬ 32 ਸਾਲ ਪੁਰਾਣਾ ਬੋਇੰਗ 767 ਅਸਲ ਵਿੱਚ ਯਾਤਰੀਆਂ ਨੂੰ ਲਿਜਾਣ ਲਈ ਬਣਾਇਆ ਗਿਆ ਸੀ ਜੋ ਕਿ 2015 ਵਿਚ ਇਕ ਕਾਰਗੋ ਜਹਾਜ਼ ਵਿਚ ਬਦਲਣ ਤੋਂ ਪਹਿਲਾਂ ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਤੱਕ ਕਈ ਏਅਰਲਾਈਨਾਂ ਲਈ ਉਡਾਣ ਭਰਦਾ ਰਿਹਾ।ਉਧਰ ਐਮਾਜ਼ਾਨ ਵਲੋਂ ਜਾਰੀ ਇਕ ਅਧਿਕਾਰਿਤ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਸਾਨੂੰ ਇਹ ਜਾਣ ਕੇ ਬਹੁਤ ਦੁੱਖ ਹੋਇਆ ਹੈ ਕਿ ਮਿਆਮੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਅੱਜ ਦੀ ਘਟਨਾ ਵਿਚ ਪੰਜ ਲੋਕਾਂ ਦੀ ਜਾਨ ਚਲੀ ਗਈ।