ਏਸ਼ੀਆਈ ਖੇਡਾਂ 2026 - ਤਗਮੇ ਦਾ ਰੰਗ ਬਦਲਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਕੁਝ ਹਾਲਾਤਾਂ ਕਾਰਨ ਮੈਂ ਅਜਿਹਾ ਨਹੀਂ ਕਰ ਸਕੀ - ਸੁਚਿਕਾ ਤਾਰਿਆਲ

ਨਾਗੋਆ (ਜਪਾਨ), 21 ਸਤੰਬਰ - ਆਈਚੀ-ਨਾਗੋਯਾ ਏਸ਼ੀਆਈ ਖੇਡਾਂ 2026 ਸੈਮੀਫਾਈਨਲ ਵਿਚ ਸਿੰਗਾਪੁਰ ਦੀ ਹੁਈ ਹੂਨ ਟੇਓ ਤੋਂ ਹਾਰਨ ਤੋਂ ਬਾਅਦ ਮਹਿਲਾਵਾਂ ਦੇ ਰਵਾਇਤੀ ਮਾਰਸ਼ਲ ਆਰਟਸ  (60 ਕਿਲੋਗ੍ਰਾਮ ਵਰਗ) ਵਿਚ ਕਾਂਸੀ ਦਾ ਤਗਮਾ ਜਿੱਤਣ 'ਤੇ ਸੁਚਿਕਾ ਤਾਰਿਆਲ ਨੇ ਕਿਹਾ, "ਮੈਂ ਇਸ ਤਗਮੇ ਦਾ ਰੰਗ ਬਦਲਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਕੁਝ ਹਾਲਾਤਾਂ ਕਾਰਨ ਮੈਂ ਅਜਿਹਾ ਨਹੀਂ ਕਰ ਸਕੀ। ਸ਼ਾਇਦ ਮੈਂ ਕਿਤੇ ਥੋੜ੍ਹੀ ਪਿੱਛੇ ਰਹਿ ਗਈ, ਜਾਂ ਸ਼ਾਇਦ ਫ਼ੈਸਲਾ ਮੇਰੇ ਹੱਕ ਵਿਚ ਨਹੀਂ ਸੀ—ਅਤੇ ਮੈਂ ਉਸ ਫ਼ੈਸਲੇ ਨਾਲ ਸਹਿਮਤ ਵੀ ਨਹੀਂ ਹਾਂ। ਸਾਰਿਆਂ ਨੇ ਮੈਚ ਦੇਖਿਆ ਅਤੇ ਮੈਨੂੰ ਕਿਹਾ ਕਿ ਮੈਂ ਬਹੁਤ ਵਧੀਆ ਖੇਡ ਰਹੀ ਸੀ... ਮੈਨੂੰ ਨਿਯਮਾਂ ਬਾਰੇ ਪਤਾ ਹੈ—ਕਿ ਵੱਧ ਭਾਰ ਵਾਲਾ ਵਿਅਕਤੀ ਹਾਰ ਜਾਂਦਾ ਹੈ—ਪਰ ਮੁਕਾਬਲਾ ਉੱਥੇ ਹੀ ਖਤਮ ਨਹੀਂ ਹੁੰਦਾ। ਜੇਕਰ ਤੁਸੀਂ ਮੁਕਾਬਲੇ 'ਤੇ ਨਜ਼ਰ ਮਾਰੋ, ਤਾਂ ਮੈਂ ਹੀ ਜਿੱਤ ਰਹੀ ਸੀ; ਮੈਂ ਹੀ ਵਿਰੋਧੀ ਨੂੰ ਹੇਠਾਂ ਸੁੱਟਣ ) ਦੀਆਂ ਤਕਨੀਕਾਂ ਲਾਗੂ ਕਰ ਰਹੀ ਸੀ। ਉਸਨੇ ਮੈਨੂੰ ਇਕ ਵਾਰ ਵੀ ਹੇਠਾਂ ਨਹੀਂ ਸੁੱਟਿਆ; ਉਹ ਸਿਰਫ਼ ਹਵਾ ਵਿਚ ਮੁੱਕੇ ਮਾਰ ਰਹੀ ਸੀ। ਫ਼ੈਸਲਾ ਭਾਰ ਦੇ ਆਧਾਰ 'ਤੇ ਨਹੀਂ ਹੋਣਾ ਚਾਹੀਦਾ ਸੀ, ਪਰ ਉਨ੍ਹਾਂ ਨੇ ਇਸਨੂੰ ਭਾਰ ਦਾ ਮੁੱਦਾ ਬਣਾ ਦਿੱਤਾ—ਉਸਨੂੰ ਸਿਰਫ਼ ਇਸ ਲਈ ਜੇਤੂ ਐਲਾਨ ਦਿੱਤਾ ਕਿਉਂਕਿ ਉਸਦਾ ਭਾਰ ਘੱਟ ਸੀ—ਭਾਵੇਂ ਕਿ ਮੈਂ ਦੋਵੇਂ ਰਾਊਂਡ ਜਿੱਤੇ ਸਨ..."।