ਜਮ੍ਹਾਂ ਕਰਵਾਏ ਗਏ ਗਿਣਤੀ ਫਾਰਮ ਵੇਰਵਿਆਂ ਪੱਖੋਂ ਅਧੂਰੇ ਸਨ - ਕੇਜਰੀਵਾਲ ਨੂੰ ਜਾਰੀ ਐਸ.ਆਈ.ਆਰ.' ਨੋਟਿਸ ਦੇ ਸੰਬੰਧ ਚ, ਚੋਣ ਅਧਿਕਾਰੀ

ਨਵੀਂ ਦਿੱਲੀ, 19 ਸਤੰਬਰ -  ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਅਤੇ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰਾਂ ਨੂੰ ਜਾਰੀ ਕੀਤੇ ਗਏ 'ਐਸ.ਆਈ.ਆਰ.' ਨੋਟਿਸ ਦੇ ਸੰਬੰਧ ਵਿਚ, ਚੋਣ ਰਜਿਸਟ੍ਰੇਸ਼ਨ ਅਧਿਕਾਰੀ (ERO), ਨਵੀਂ ਦਿੱਲੀ ਦਾ ਕਹਿਣਾ ਹੈ ਕਿ, "ਜਮ੍ਹਾਂ ਕਰਵਾਏ ਗਏ ਗਿਣਤੀ ਫਾਰਮ (Enumeration Forms) ਵੇਰਵਿਆਂ ਦੇ ਪੱਖੋਂ ਅਧੂਰੇ ਸਨ; ਅਜਿਹੇ ਵੇਰਵੇ ਜਿਨ੍ਹਾਂ ਰਾਹੀਂ ਉਨ੍ਹਾਂ ਨੂੰ ਸੰਬੰਧਿਤ ਰਾਜਾਂ ਦੀਆਂ ਪਿਛਲੀਆਂ ਚੋਣ ਸੂਚੀਆਂ (electoral rolls) ਨਾਲ ਜੋੜਿਆ ਜਾ ਸਕਦਾ ਸੀ, ਉਹ ਉਨ੍ਹਾਂ ਦੇ ਜਮ੍ਹਾਂ ਕਰਵਾਏ ਫਾਰਮਾਂ ਵਿਚ ਮੌਜੂਦ ਨਹੀਂ ਸਨ।"
ਚੋਣ ਰਜਿਸਟ੍ਰੇਸ਼ਨ ਅਧਿਕਾਰੀ, ਨਵੀਂ ਦਿੱਲੀ ਨੇ ਇਕ ਪ੍ਰੈਸ ਬਿਆਨ ਵਿਚ ਅੱਗੇ ਕਿਹਾ, "ਭਾਰਤੀ ਚੋਣ ਕਮਿਸ਼ਨ (ECI) ਦੁਆਰਾ ਨਿਰਧਾਰਤ ਅਤੇ ਸੂਚਿਤ ਕੀਤੀਆਂ ਗਈਆਂ ਪ੍ਰਕਿਰਿਆਵਾਂ ਅਨੁਸਾਰ, ਉਨ੍ਹਾਂ ਵੋਟਰਾਂ ਨੂੰ ਨੋਟਿਸ ਜਾਰੀ ਕੀਤੇ ਜਾ ਰਹੇ ਹਨ ਜਿਨ੍ਹਾਂ ਨੂੰ ਪਿਛਲੀ ਚੋਣ ਸੂਚੀ ਨਾਲ ਨਹੀਂ ਜੋੜਿਆ ਜਾ ਸਕਿਆ ਅਤੇ ਜਿਨ੍ਹਾਂ ਦੇ ਵੇਰਵਿਆਂ ਵਿਚ ਪਿਛਲੀ ਚੋਣ ਸੂਚੀ ਨਾਲ ਜੋੜਨ ਦੌਰਾਨ ਤਰਕਪੂਰਨ ਖਾਮੀਆਂ (logical discrepancies) ਪਾਈਆਂ ਗਈਆਂ ਹਨ। ਨੋਟਿਸ ਪ੍ਰਾਪਤ ਹੋਣ 'ਤੇ ਵੋਟਰਾਂ ਨੂੰ ਸੰਬੰਧਿਤ ਚੋਣ ਰਜਿਸਟ੍ਰੇਸ਼ਨ ਅਧਿਕਾਰੀ (ERO) ਕੋਲ ਜਵਾਬ ਜਾਂ ਲੋੜੀਂਦੇ ਦਸਤਾਵੇਜ਼ ਜਮ੍ਹਾਂ ਕਰਵਾਉਣੇ ਹੋਣਗੇ। ਨੋਟਿਸਾਂ ਦੇ ਨਿਪਟਾਰੇ ਦੀ ਪ੍ਰਕਿਰਿਆ 29.10.2026 ਤੱਕ ਮੁਕੰਮਲ ਕਰ ਲਈ ਜਾਵੇਗੀ।"