ਪੇ.ਟੀ.ਐਮ. ਦੇ ਵਿਜੇ ਸ਼ੇਖਰ ਸ਼ਰਮਾ ਨੇ ਵਿੱਤੀ ਸਾਲ 2025 ਵਿਚ ਏਅਰ ਇੰਡੀਆ ਦੇ ਸੰਚਾਲਨ ਲਾਭ ਦੀ ਕੀਤੀ ਸ਼ਲਾਘਾ

ਨਵੀਂ ਦਿੱਲੀ , 8 ਜੂਨ - ਪੇ.ਟੀ.ਐਮ. ਦੇ ਸੰਸਥਾਪਕ ਵਿਜੇ ਸ਼ੇਖਰ ਸ਼ਰਮਾ ਨੇ ਏਅਰ ਇੰਡੀਆ ਦੇ ਮੁਨਾਫ਼ੇ ਵਿਚ ਵਾਪਸੀ ਦੀ ਸ਼ਲਾਘਾ ਕੀਤੀ, ਇਸ ਨੂੰ ਟਾਟਾ ਗਰੁੱਪ ਦੀ ਮਲਕੀਅਤ ਵਾਲੀ ਏਅਰਲਾਈਨ ਲਈ ਇਕ ਵੱਡਾ ਮੀਲ ਪੱਥਰ ਦੱਸਿਆ। ਇਕ ਬਿਜ਼ਨਸ ਲਾਈਨ ਰਿਪੋਰਟ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਉਨ੍ਹਾਂ ਕਿਹਾ ਕਿ ਏਅਰ ਇੰਡੀਆ ਨੇ ਵਿੱਤੀ ਸਾਲ 2025 ਵਿਚ ਸੰਚਾਲਨ ਲਾਭ ਦਰਜ ਕੀਤਾ ਹੈ । ਉਨ੍ਹਾਂ ਕਿਹਾ ਕਿ ਖੁਸ਼ ਹਾਂ ਕਿ ਏਅਰ ਇੰਡੀਆ ਮੁਨਾਫ਼ੇ ਵਿਚ ਵਾਪਸ ਆ ਗਈ ਹੈ। ਮੈਂ ਸੁਣਿਆ ਹੈ ਕਿ ਉਨ੍ਹਾਂ ਨੇ ਦੁਨੀਆ ਵਿਚ ਲੀਜ਼ ਲਈ ਉਪਲਬਧ ਲਗਭਗ ਸਾਰੇ ਸੰਭਵ ਜਹਾਜ਼ ਲਏ ਹਨ। ਸਾਰੇ ਅੰਤਰਰਾਸ਼ਟਰੀ ਰੂਟਾਂ 'ਤੇ ਨਵੇਂ ਇੰਟੀਰੀਅਰ ਦੇਖਣ ਅਤੇ ਬਿਨਾਂ ਰੁਕੇ ਏਅਰ ਇੰਡੀਆ ਉਡਾਣ ਭਰਨ ਲਈ ਇੰਤਜ਼ਾਰ ਨਹੀਂ ਕਰ ਸਕਦਾ। ਉਨ੍ਹਾਂ ਦੀਆਂ ਟਿੱਪਣੀਆਂ ਏਅਰਲਾਈਨ ਲਈ ਇਕ ਮਹੱਤਵਪੂਰਨ ਵਿੱਤੀ ਬਦਲਾਅ ਤੋਂ ਬਾਅਦ ਆਈਆਂ ਹਨ, ਜਿਸ ਦੀ ਆਮਦਨ ਕਥਿਤ ਤੌਰ 'ਤੇ ਵਿੱਤੀ ਸਾਲ 2025 ਵਿਚ ਲਗਭਗ 14% ਵਧ ਕੇ ₹61,000 ਕਰੋੜ ਹੋ ਗਈ, ਘੱਟ ਈਂਧਨ ਲਾਗਤਾਂ ਅਤੇ ਯਾਤਰੀਆਂ ਦੀ ਗਿਣਤੀ ਵਿਚ ਵਾਧੇ ਕਾਰਨ ਅਜਿਹਾ ਹੋਇਆ ਹੈ । ਏਅਰ ਇੰਡੀਆ 'ਚ ਸਾਲ ਦੌਰਾਨ 44 ਮਿਲੀਅਨ ਯਾਤਰੀ ਆਏ , ਜੋ ਕਿ 9.9% ਸਾਲਾਨਾ ਵਾਧਾ ਦਰਜ ਕਰਦਾ ਹੈ।