ਯੂ.ਪੀ.:ਪ੍ਰਯਾਗਰਾਜ ਵਿਖੇ ਤਲਾਅ ’ਚ ਡਿੱਗਿਆ ਏਅਰਕ੍ਰਾਫ਼ਟ

ਲਖਨਊ, 21 ਜਨਵਰੀ- ਪ੍ਰਯਾਗਰਾਜ ਵਿਖੇ ਸ਼ਹਿਰ ਦੇ ਵਿਚੋ ਵਿਚ ਇਕ ਏਅਰਕ੍ਰਾਫ਼ਟ ਤਲਾਅ ਵਿਚ ਡਿੱਗ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਹਵਾ ਵਿਚ ਉੱਡ ਰਹੇ ਏਅਰਕ੍ਰਾਫ਼ਟ ਦਾ ਅਚਾਨਕ ਸੰਤੁਲਨ ਵਿਗੜ ਗਿਆ ਅਤੇ ਇਕ ਕਾਲਜ ਦੇ ਪਿੱਛੇ ਡਿੱਗ ਗਿਆ। ਤੇਜ਼ ਆਵਾਜ਼ ਸੁਣ ਕੇ ਆਲੇ ਦੁਆਲੇ ਦੇ ਸੈਂਕੜੇ ਲੋਕ ਘਟਨਾ ਸਥਾਨ 'ਤੇ ਪਹੁੰਚ ਗਏ।

ਸਥਾਨਕ ਨਿਵਾਸੀਆਂ ਨੇ ਪੁਲਿਸ ਅਤੇ ਪ੍ਰਸ਼ਾਸਨ ਨੂੰ ਘਟਨਾ ਬਾਰੇ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਫਾਇਰ ਬ੍ਰਿਗੇਡ ਅਤੇ ਬਚਾਅ ਟੀਮ ਘਟਨਾ ਸਥਾਨ 'ਤੇ ਪਹੁੰਚ ਗਈ। ਫਿਲਹਾਲ ਇਹ ਸਪੱਸ਼ਟ ਨਹੀਂ ਹੈ ਕਿ ਜਹਾਜ਼ ਵਿਚ ਕਿੰਨੇ ਲੋਕ ਸਵਾਰ ਸਨ। ਪ੍ਰਸ਼ਾਸਨ ਦੀਆਂ ਟੀਮਾਂ ਮੌਕੇ 'ਤੇ ਪਹੁੰਚ ਗਈਆਂ ਹਨ ਅਤੇ ਸਥਿਤੀ ਦਾ ਮੁਲਾਂਕਣ ਕਰ ਰਹੀਆਂ ਹਨ।

ਮੌਕੇ ’ਤੇ ਮੌਜੂਦ ਲੋਕਾਂ ਅਨੁਸਾਰ ਨੇੜ ਹੀ ਇਕ ਸਕੂਲ ਹੈ। ਬੱਚੇ ਆਪਣੇ ਅਭਿਆਸ ਕਰ ਰਹੇ ਸਨ ਜਦੋਂ ਇੱਕ ਲਾਲ ਸਿਗਨਲ ਤੇਜ਼ ਆਵਾਜ਼ ਨਾਲ ਦਿਖਾਈ ਦਿੱਤਾ। ਦੋ ਮਿੰਟ ਬਾਅਦ, ਪੈਰਾਸ਼ੂਟ ਖੁੱਲ੍ਹ ਗਏ। ਜਹਾਜ਼ ਤਲਾਅ ਵਿਚ ਡਿੱਗ ਗਿਆ। ਹੁਣ ਤੱਕ ਤਿੰਨ ਲੋਕਾਂ ਨੂੰ ਬਚਾਇਆ ਗਿਆ ਹੈ। ਤਿੰਨੋਂ ਵਰਦੀ ਵਿਚ ਸਨ।
ਇਸ ਸੰਬੰਧੀ ਹੋਰ ਵੇਰਵਿਆਂ ਦੀ ਉਡੀਕ ਕੀਤੀ ਜਾ ਰਹੀ ਹੈ।