ਭਾਰਤੀ ਫ਼ੌਜ 2,408 ਨਾਗ ਮਾਰਕ 2 ਐਂਟੀ-ਟੈਂਕ ਗਾਈਡਡ ਮਿਜ਼ਾਈਲਾਂ ਖ਼ਰੀਦੇਗੀ

ਨਵੀਂ ਦਿੱਲੀ ,22 ਅਕਤੂਬਰ (ਏਐਨਆਈ): ਸਵਦੇਸ਼ੀ ਹਥਿਆਰ ਪ੍ਰਣਾਲੀਆਂ ਲਈ ਇਕ ਵੱਡੀ ਸਫਲਤਾ ਵਿਚ ਭਾਰਤੀ ਫੌਜ 107 ਨਾਮੀਕਾ ਟਰੈਕਡ ਵਾਹਨਾਂ ਦੇ ਨਾਲ 2.408 ਨਾਗ ਮਾਰਕ 2 ਐਂਟੀ-ਟੈਂਕ ਗਾਈਡਡ ਮਿਜ਼ਾਈਲਾਂ ਲਈ ਇਕ ਵੱਡਾ ਆਰਡਰ ਦੇਣ ਲਈ ਤਿਆਰ ਹੈ।  ਨਾਗ ਮਾਰਕ 2 ਐਂਟੀ-ਟੈਂਕ ਗਾਈਡਡ ਮਿਜ਼ਾਈਲਾਂ ਦੇ ਨਾਲ, ਪਿਛਲੀ ਪ੍ਰਣਾਲੀ ਦਾ ਇਕ ਉੱਨਤ ਸੰਸਕਰਣ ਹੈ ਅਤੇ ਇਸ ਵਿਚ ਉਪਭੋਗਤਾਵਾਂ ਦੁਆਰਾ ਸੁਝਾਏ ਗਏ ਬਹੁਤ ਸਾਰੇ ਬਦਲਾਅ ਅਤੇ ਸੁਧਾਰ ਸ਼ਾਮਿਲ ਹਨ।

ਰੱਖਿਆ ਮੰਤਰਾਲੇ 23 ਅਕਤੂਬਰ ਨੂੰ ਹੋਣ ਵਾਲੀ ਰੱਖਿਆ ਪ੍ਰਾਪਤੀ ਪ੍ਰੀਸ਼ਦ ਦੀ ਇਕ ਮਹੱਤਵਪੂਰਨ ਮੀਟਿੰਗ ਵਿਚ ਫ਼ੌਜ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇਣ ਦੀ ਸੰਭਾਵਨਾ ਹੈ ।  ਇਹ ਮਿਜ਼ਾਈਲਾਂ ਭਾਰਤ ਡਾਇਨਾਮਿਕਸ ਲਿਮਟਿਡ ਦੁਆਰਾ ਤਿਆਰ ਕੀਤੀਆਂ ਗਈਆਂ ਹਨ। ਸਵਦੇਸ਼ੀ ਤੌਰ 'ਤੇ ਵਿਕਸਤ ਨਾਗ ਮਾਰਕ 2 ਜੋ ਕਿ ਤੀਜੀ ਪੀੜ੍ਹੀ ਦੀ ਐਂਟੀ-ਟੈਂਕ ਫਾਇਰ-ਐਂਡ-ਫੋਰਗੇਟ ਗਾਈਡੇਡ ਮਿਜ਼ਾਈਲ ਹੈ, ਦੇ ਫੀਲਡ ਮੁਲਾਂਕਣ ਟਰਾਇਲ ਇਸ ਸਾਲ ਜਨਵਰੀ ਵਿਚ ਪੋਖਰਣ ਫੀਲਡ ਰੇਂਜ ਵਿਖੇ ਭਾਰਤੀ ਫ਼ੌਜ ਦੇ ਸੀਨੀਅਰ ਅਧਿਕਾਰੀਆਂ ਦੀ ਮੌਜੂਦਗੀ ਵਿਚ ਸਫਲਤਾਪੂਰਵਕ ਕੀਤੇ ਗਏ ਸਨ।