ਨਸ਼ਾ ਤਸਕਰਾਂ ਦੇ ਘਰਾਂ ਨੂੰ ਤੋੜਨ ਦੀ ਕਾਰਵਾਈ ਸ਼ੁਰੂ

ਖੰਨਾ, (ਲੁਧਿਆਣਾ), 6 ਮਾਰਚ (ਹਰਜਿੰਦਰ ਸਿੰਘ ਲਾਲ)- ਪੰਜਾਬ ਸਰਕਾਰ ਵਲੋਂ ‘ਯੁੱਧ ਨਸ਼ਿਆਂ ਵਿਰੁੱਧ’ ਮੁਹਿੰਮ ਦੇ ਅਧੀਨ ਅੱਜ ਖੰਨਾ ਵਿਚ ਕਥਿਤ ਨਸ਼ਾ ਤਸਕਰਾਂ ਦੇ ਨਜਾਇਜ਼ ਬਣੇ ਘਰਾਂ ਨੂੰ ਤੋੜਨ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਮੁਹਿੰਮ ਦੀ ਦੇਖ ਰੇਖ ਲਈ ਐਸ.ਐਸ.ਪੀ. ਜੋਯਤੀ ਯਾਦਵ ਦੀ ਅਗਵਾਈ ਵਿਚ ਟੀਮ ਖੰਨਾ ਦੀ ਮੀਟ ਮਾਰਕੀਟ ਵਿਖੇ ਪਹੁੰਚ ਚੁੱਕੀ ਹੈ। ਖੰਨਾ ਵਿਚ 8 ਘਰਾਂ ਨੂੰ ਨਾਜਾਇਜ਼ ਹੋਣ ’ਦੇ ਨੋਟਿਸ ਨਗਰ ਕੌਂਸਲ ਵਲੋਂ 25 ਫਰਵਰੀ ਨੂੰ ਜਾਰੀ ਕੀਤੇ ਗਏ ਸਨ, ਜਿਨ੍ਹਾਂ ਦੀ ਮਿਆਦ ਖ਼ਤਮ ਹੋ ਚੁਕੀ ਹੈ। ਮੌਕੇ ’ਤੇ ਬੁਲਡੋਜ਼ਰ ਤੇ ਜੇ.ਸੀ.ਬੀ.ਪਹੁੰਚ ਚੁੱਕੇ ਹਨ। ਘਰਾਂ ਦੇ ਮਾਲਿਕਾਂ ਵਲੋਂ ਵਿਰੋਧ ਤੇ ਮਿਨਤਾਂ ਕੀਤੀਆਂ ਜਾ ਰਹੀਆਂ ਹਨ।