ਦੁਬਈ ਜਾਣ ਵਾਲੇ ਯਾਤਰੀਆਂ ਨੇ ਉਡਾਣ ਰੱਦ ਹੋਣ ਤੋਂ ਬਾਅਦ ਕੀਤਾ ਹੰਗਾਮਾ

ਰਾਜਾਸਾਂਸੀ (ਅੰਮ੍ਰਿਤਸਰ), 17 ਨਵੰਬਰ (ਹਰਦੀਪ ਸਿੰਘ ਖੀਵਾ)-ਅੰਮ੍ਰਿਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡਾ ਰਾਜਾਸਾਂਸੀ ਵਿਖੇ ਬੀਤੇ ਦੇਰ ਰਾਤ ਯਾਤਰੀਆਂ ਵਲੋਂ ਦੁਬਈ ਜਾਣ ਵਾਲੀ ਉਡਾਣ ਰੱਦ ਹੋਣ ਉਤੇ ਹੰਗਾਮਾ ਕੀਤਾ। ਦਰਅਸਲ ਏਅਰ ਇੰਡੀਆ ਐਕਸਪ੍ਰੈਸ ਦੀ ਉਡਾਣ ਨੇ ਬੀਤੇ ਦਿਨ ਸ਼ਾਮ 4.25 ਵਜੇ ਅੰਮ੍ਰਿਤਸਰ ਤੋਂ ਦੁਬਈ ਨੂੰ ਉਡਾਣ ਭਰਨੀ ਸੀ ਪਰ ਧੁੰਦ ਕਾਰਨ ਇਸ ਉਡਾਣ 'ਚ ਯਾਤਰੀ ਕਰੀਬ 6 ਘੰਟੇ ਤੱਕ ਰਵਾਨਾ ਹੋਣ ਦੀ ਉਡੀਕ 'ਚ ਬੈਠੇ ਰਹੇ, ਜਿਸ ਨੂੰ ਬਾਅਦ ਵਿਚ ਰੱਦ ਕਰ ਦਿੱਤਾ ਗਿਆ ਤੇ ਸਟਾਫ ਵਲੋਂ ਦੇਰ ਰਾਤ ਰੱਦ ਹੋਣ ਦੀ ਸੂਚਨਾ ਦਿੱਤੀ ਗਈ। ਸੂਚਨਾ ਮਿਲਦੇ ਹੀ ਯਾਤਰੀਆਂ ਵਲੋਂ ਹੰਗਾਮਾ ਕਰ ਦਿੱਤਾ ਗਿਆ।