ਅਡਾਨੀ ਗਰੁੱਪ ਊਰਜਾ ਪਰਿਵਰਤਨ ਵਿਚ ਕਰੇਗਾ 100 ਬਿਲੀਅਨ ਡਾਲਰ ਦਾ ਨਿਵੇਸ਼- ਗੌਤਮ ਅਡਾਨੀ

ਨਵੀਂ ਦਿੱਲੀ, 19 ਜੂਨ- ਅਡਾਨੀ ਸਮੂਹ ਊਰਜਾ ਪਰਿਵਰਤਨ ਪ੍ਰੋਜੈਕਟਾਂ ਵਿਚ 100 ਬਿਲੀਅਨ ਡਾਲਰ (ਲਗਭਗ 835 ਕਰੋੜ ਰੁਪਏ) ਤੋਂ ਵੱਧ ਦਾ ਨਿਵੇਸ਼ ਕਰੇਗਾ। ਉਨ੍ਹਾਂ ਅੱਗੇ ਕਿਹਾ ਕਿ ਸੂਰਜ ਦੀ ਰੌਸ਼ਨੀ ਅਤੇ ਵਿੰਡ ਫ਼ਾਰਮਾਂ ਤੋਂ ਬਿਜਲੀ ਪੈਦਾ ਕਰਨ ਲਈ ਸੋਲਰ ਪਾਰਕਾਂ ਦੀ ਉਸਾਰੀ ਕਰਨ ਤੋਂ ਇਲਾਵਾ, ਇਹ ਸਮੂਹ ਹਰੇ ਹਾਈਡ੍ਰੋਜਨ, ਵਿੰਡ ਪਾਵਰ ਟਰਬਾਈਨਾਂ ਅਤੇ ਸੋਲਰ ਪੈਨਲ ਬਣਾਉਣ ਲਈ ਇਲੈਕਟ੍ਰੋਲਾਈਜ਼ਰ ਬਣਾਉਣ ਲਈ ਵੱਡੀਆਂ ਸਹੂਲਤਾਂ ਦਾ ਨਿਰਮਾਣ ਕਰ ਰਿਹਾ ਹੈ। ਸੀ.ਆਰ.ਆਈ.ਐਸ.ਆਈ.ਐਲ ਦੇ ਇਕ ਈਵੈਂਟ ਵਿਚ ਬੋਲਦਿਆਂ ਅਡਾਨੀ ਗਰੁੱਪ ਦੇ ਚੇਅਰਮੈਨ ਗੌਤਮ ਅਡਾਨੀ ਨੇ ਕਿਹਾ ਕਿ ਊਰਜਾ ਤਬਦੀਲੀ ਅਤੇ ਡਿਜ਼ੀਟਲ ਬੁਨਿਆਦੀ ਝਾਂਚਾ ਟ੍ਰਿਲੀਅਨ-ਡਾਲਰ ਦੇ ਮੌਕੇ ਹਨ, ਜੋ ਭਾਰਤ ਨੂੰ ਸਥਾਨਕ ਅਤੇ ਵਿਸ਼ਵ ਪੱਧਰ ’ਤੇ ਬਦਲ ਦੇਣਗੇ। ਉਨ੍ਹਾਂ ਅੱਗੇ ਕਿਹਾ ਕਿ ਮੈਂ ਪੂਰੇ ਭਰੋਸੇ ਨਾਲ ਕਹਿ ਸਕਦਾ ਹਾਂ ਕਿ ਅੱਜ ਜਦੋਂ ਅਸੀਂ ਇੱਥੇ ਖੜ੍ਹੇ ਹਾਂ ਤਾਂ ਭਾਰਤ ਦਾ ਬੁਨਿਆਦੀ ਢਾਂਚਾ ਉਦਯੋਗ ਇਕ ਸ਼ਾਨਦਾਰ ਬਦਲਾਅ ਦੇ ਦੌਰ ਵਿਚੋਂ ਗੁਜ਼ਰ ਰਿਹਾ ਹੈ, ਜਿਸ ਦੇ ਪ੍ਰਭਾਵ ਨੂੰ ਅਸੀਂ ਇਕ ਦਹਾਕੇ ਬਾਅਦ ਪਿੱਛੇ ਮੁੜ ਕੇ ਦੇਖਾਂਗੇ ਤਾਂ ਅਸੀਂ ਪੂਰੀ ਤਰ੍ਹਾਂ ਸਮਝ ਸਕਾਂਗੇ।