ਕਾਂਗਰਸ ਤੇ ਉਸ ਦੇ ਸਹਿਯੋਗੀਆਂ ਨੇ ਲੰਬੇ ਸਮੇਂ ਤੋਂ ਆਦਿਵਾਸੀਆਂ ਨੂੰ ਗ਼ਰੀਬ ਰੱਖਿਆ - ਪ੍ਰਧਾਨ ਮੰਤਰੀ ਮੋਦੀ

ਚਾਈਬਾਸਾ (ਝਾਰਖੰਡ), 4 ਨਵੰਬਰ (ਏਐਨਆਈ): ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਾਂਗਰਸ ਅਤੇ ਇਸ ਦੇ ਸਹਿਯੋਗੀਆਂ 'ਤੇ ਕਬਾਇਲੀ ਭਾਈਚਾਰੇ ਨੂੰ ਲੰਬੇ ਸਮੇਂ ਤੋਂ "ਗ਼ਰੀਬ ਅਤੇ ਵਾਂਝੇ" ਰੱਖਣ ਦਾ ਦੋਸ਼ ਲਗਾਇਆ ਅਤੇ ਕਿਹਾ ਕਿ ਭਾਜਪਾ ਝਾਰਖੰਡ ਤੋਂ ਗ਼ਰੀਬੀ ਹਟਾਉਣ ਲਈ ਵਚਨਬੱਧ ਹੈ। ਇੱਥੇ ਇਕ ਚੋਣ ਰੈਲੀ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਮੰਤਰੀ ਮੋਦੀ ਨੇ ਸੱਤਾਧਾਰੀ ਜੇ.ਐਮ.ਐਮ. ’ਤੇ ਸਾਬਕਾ ਮੁੱਖ ਮੰਤਰੀ ਚੰਪਾਈ ਸੋਰੇਨ ਦਾ ਅਪਮਾਨ ਕਰਨ ਦਾ ਦੋਸ਼ ਲਾਇਆ ਅਤੇ ਦੋਸ਼ ਲਾਇਆ ਕਿ ਜੇ.ਐਮ.ਐਮ.-ਕਾਂਗਰਸ-ਆਰ.ਜੇ.ਡੀ. ਨੇ ਝਾਰਖੰਡ ਦੀ ਪਛਾਣ ਨੂੰ ਖ਼ਤਰੇ ਵਿਚ ਪਾ ਦਿੱਤਾ ਹੈ। 1980 ਦੇ ਦਹਾਕੇ ਵਿਚ ਜਦੋਂ ਬਿਹਾਰ ਅਤੇ ਦਿੱਲੀ ਦੋਵਾਂ ਵਿਚ ਕਾਂਗਰਸ ਸੱਤਾ ਵਿਚ ਸੀ ਅਤੇ ਝਾਰਖੰਡ ਉਸ ਸਮੇਂ ਬਿਹਾਰ ਦਾ ਹਿੱਸਾ ਸੀ - ਗੁਆ ਗੋਲੀ ਕਾਂਡ ਹੋਇਆ - ਜਿਸ ਤਰ੍ਹਾਂ ਦੀ ਬਰਬਰਤਾ ਅੰਗਰੇਜ਼ਾਂ ਨੇ ਇੱਥੇ ਕੀਤੀ, ਕਾਂਗਰਸ ਨੇ ਵੀ ਕਬਾਇਲੀਆਂ ਦੇ ਖੂਨ ਨਾਲ ਅਜਿਹਾ ਹੀ ਕੀਤਾ। ਰਾਸ਼ਟਰੀ ਜਨਤਾ ਦਲ ਦੇ ਨੇਤਾ ਕਹਿੰਦੇ ਸਨ ਕਿ ਝਾਰਖੰਡ ਉਨ੍ਹਾਂ ਦੀਆਂ ਲਾਸ਼ਾਂ 'ਤੇ ਬਣੇਗਾ ,ਜੇ.ਐਮ.ਐਮ. ਆਰ.ਜੇ.ਡੀ. ਦੀ ਗੋਦ ਵਿਚ ਬੈਠਾ ਹੈ।