ਹਰਿਆਣਾ ਚੋਣਾਂ: ਕਾਂਗਰਸ ਵਲੋਂ 'ਪਾਰਟੀ ਵਿਰੋਧੀ ਗਤੀਵਿਧੀਆਂ' ਲਈ ਚਿਤਰਾ ਸਰਵਰਾ ਛੇ ਸਾਲ ਲਈ ਮੁਅੱਤਲ
ਨਵੀਂ ਦਿੱਲੀ, 23 ਸਤੰਬਰ - ਹਰਿਆਣਾ ਵਿਧਾਨ ਸਭਾ ਚੋਣਾਂ ਤੋਂ ਹਫ਼ਤੇ ਪਹਿਲਾਂ, ਆਲ ਇੰਡੀਆ ਕਾਂਗਰਸ ਕਮੇਟੀ ਨੇ ਪਾਰਟੀ ਦੀ ਬਾਗੀ ਆਗੂ ਚਿਤਰਾ ਸਰਵਰਾ ਨੂੰ "ਪਾਰਟੀ ਵਿਰੋਧੀ ਗਤੀਵਿਧੀਆਂ" ਵਿਚ ਸ਼ਾਮਿਲ ਹੋਣ ਕਾਰਨ ਛੇ ਸਾਲਾਂ ਲਈ ਮੁਅੱਤਲ ਕਰ ਦਿੱਤਾ ਹੈ।ਚਿੱਤਰਾ ਸਰਵਰਾ ਨੇ ਅੰਬਾਲਾ ਛਾਉਣੀ ਤੋਂ ਆਜ਼ਾਦ ਉਮੀਦਵਾਰ ਵਜੋਂ ਆਪਣੀ ਉਮੀਦਵਾਰੀ ਖੜ੍ਹੀ ਕਰਨ ਤੋਂ ਬਾਅਦ ਇਹ ਗੱਲ ਸਾਹਮਣੇ ਆਈ ਹੈ। ਕਾਂਗਰਸ ਨੇ ਇਸ ਸੀਟ ਤੋਂ ਪਰਵਿੰਦਰ ਪਾਲ ਪਰੀ ਨੂੰ ਛੇ ਵਾਰ ਵਿਧਾਇਕ ਅਤੇ ਸੀਨੀਅਰ ਭਾਜਪਾ ਨੇਤਾ ਅਨਿਲ ਵਿਜ ਦੇ ਖਿਲਾਫ ਮੈਦਾਨ ਵਿਚ ਉਤਾਰਿਆ ਹੈ।