ਰਾਮਾ ਕਿ੍ਸ਼ਨਾ ਡਰਾਮਾਟਿਕ ਕਲੱਬ ਵੱਲੋਂ 73ਵੀਂ ਰਾਮ ਲੀਲ੍ਹਾ ਦੇ ਆਗਾਜ਼ ਸੰਬੰਧੀ ਅਹਿਮ ਮੀਟਿੰਗ

ਭੁਲੱਥ, 7 ਸਤੰਬਰ (ਮਨਜੀਤ ਸਿੰਘ ਰਤਨ)-ਮਰਿਆਦਾ ਪੁਰਸ਼ੋਤਮ ਭਗਵਾਨ ਸ਼੍ਰੀ ਰਾਮ ਚੰਦਰ ਜੀ ਨੂੰ ਸਮਰਪਿਤ ਅੱਸੂ ਦੇ ਨਵਰਾਤਰਿਆਂ ਦੇ ਸ਼ੁੱਭ ਅਵਸਰ ‘ਤੇ ਸ਼੍ਰੀ ਰਾਮਾ ਕਿ੍ਸ਼ਨਾ ਡਰਾਮਾਟਿਕ ਕਲੱਬ ਭੁਲੱਥ ਵੱਲੋਂ 73ਵੀਂ ਰਾਮ ਲੀਲਾ ਅਤੇ ਦੁਸਹਿਰਾ ਉਤਸਵ ਦੇ ਪ੍ਰਬੰਧਾਂ ਸਬੰਧੀ ਇੱਕ ਅਹਿਮ ਮੀਟਿੰਗ ਸ਼੍ਰੀ ਰਾਧੇ ਸ਼ਿਆਮ ਮੰਦਿਰ ਭੁਲੱਥ ਵਿਖੇ ਹੋਈ | ਮੀਟਿੰਗ ਚੇਅਰਮੈਨ ਰਮੇਸ਼ ਚੰਦਰ ਸ਼ਰਮਾ, ਉਪ ਚੇਅਰਮੈਨ ਸੁਦੇਸ਼ ਕੁਮਾਰ ਦੱਤਾ, ਸਰਪ੍ਰਸਤ ਸ਼ਾਮ ਲਾਲ ਸ਼ਰਮਾ, ਨਰੇਸ਼ ਚੌਧਰੀ, ਮਾਸਟਰ ਕੰਵਲਜੀਤ ਮੰਨਣ, ਅਸ਼ੋਕ ਕੁਮਾਰ ਘਈ, ਪ੍ਰਬੋਧ ਪਾਸੀ ਅਤੇ ਪ੍ਰਧਾਨ ਅਨਿਲ ਕੁਮਾਰ ਦੱਤਾ ਦੀ ਅਗਵਾਈ ਹੇਠ ਹੋਈ | ਉਨ੍ਹਾਂ ਦੱਸਿਆ ਕਿ ਸੱਚਖੰਡ ਵਾਸੀ ਸ਼੍ਰੀ ਸ਼੍ਰੀ 1008 ਸੰਤ ਗੋਪਾਲ ਦਾਸ ਜੀ ਦੇ ਆਸ਼ੀਰਵਾਦ ਸਦਕਾ ਇਸ ਵਾਰ 73ਵੀਂ ਰਾਮ ਲੀਲਾ ਬਹੁਤ ਹੀ ਸ਼ਰਧਾ ਅਤੇ ਉਤਸ਼ਾਹ ਨਾਲ ਕਰਵਾਈ ਜਾਵੇਗੀ | ਰਾਮ ਲੀਲਾ ਦਾ ਆਗਾਜ਼ 10 ਅਕਤੂਬਰ ਨੂੰ ਹੋਵੇਗਾ ਅਤੇ 19 ਅਕਤੂਬਰ 2026 ਨੂੰ ਸਮਾਪਤੀ ਹੋਵੇਗੀ, ਜਦਕਿ 20 ਅਕਤੂਬਰ ਨੂੰ ਦੁਸਹਿਰਾ ਉਤਸਵ ਮਨਾਇਆ ਜਾਵੇਗਾ | ਇਸ ਮੌਕੇ ਤੇ ਚੇਅਰਮੈਨ ਵਪਾਰ ਮੰਡਲ ਲਕਸ਼ ਚੌਧਰੀ, ਰਾਮ ਰਤਨ ਸ਼ਰਮਾ, ਵਿਪਨ ਕੁਮਾਰ, ਸ਼ੈਲੀ ਸੇਠੀ, ਮੋਹਨ ਲਾਲ ਡੰਗ, ਚਰਨਜੀਤ ਚੋਪੜਾ, ਤਰਸੇਮ ਸਿੰਘ ਹੈਪੀ, ਵਿਕਾਸ ਢੱਲ, ਸੋਨੂੰ ਢੱਲ, ਅਸ਼ਵਨੀ ਚਾਵਲਾ, ਵਿਨੋਦ ਕੁਮਾਰ, ਗੌਰਵ ਮਦਾਨ, ਗੁਰਦੀਪ ਸਿੰਘ, ਲਵ ਸਿੰਘ, ਸੌਰਵ ਬਾਵਾ, ਸੰਜੀਵ ਸ਼ਰਮਾ, ਮੁਕਲ ਸ਼ਰਮਾ, ਸਾਬੀ ਚਾਵਲਾ, ਵਿੱਕੀ ਬਹਿਲ, ਅਸ਼ਵਨੀ, ਬੰਟੀ ਮਹਿਰਾ, ਕਰਨ, ਜਸਕਰਨ ਸਮੇਤ ਹੋਰ ਕਲੱਬ ਮੈਂਬਰ ਹਾਜ਼ਰ ਸਨ |