ਫਗਵਾੜਾ, 14 ਜੁਲਾਈ (ਚਾਨਾ)-ਜੈਮਿਲਾਪ ਫਗਵਾੜਾ ਬਲਾਕ ਦਾ ਵਫ਼ਦ ਐੱਸ.ਐੱਮ.ਓ. ਡਾ. ਸਿਮਰਦੀਪ ਕੌਰ ਨੂੰ ਮਿਲਿਆ | ਮੁਲਾਕਾਤ ਦੌਰਾਨ ਵਫ਼ਦ ਵੱਲੋਂ ਸੰਸਥਾ ਦੀਆਂ ਸਮਾਜਿਕ ਗਤੀਵਿਧੀਆਂ ਬਾਰੇ ਜਾਣੂ ਕਰਵਾਇਆ ਗਿਆ | ਇਸ ਦੇ ਨਾਲ ਹੀ ਬਰਸਾਤੀ ਮੌਸਮ ਦੌਰਾਨ ਡੇਂਗੂ, ਮਲੇਰੀਆ ਅਤੇ ਚਿਕਨਗੁਨੀਆ ਵਰਗੀਆਂ ਸੰਭਾਵਿਤ ਮਹਾਂਮਾਰੀਆਂ ਦੀ ਰੋਕਥਾਮ, ਲੋਕਾਂ ਨੂੰ ਜਾਗਰੂਕ ਕਰਨ ਅਤੇ ਸਿਹਤ ਵਿਭਾਗ ਵੱਲੋਂ ਚਲਾਈਆਂ ਜਾਣ ਵਾਲੀਆਂ ਮੁਹਿੰਮਾਂ ਵਿਚ ਪੰਜਾਬ ਸਰਕਾਰ ਅਤੇ ਸਿਵਲ ਹਸਪਤਾਲ ਫਗਵਾੜਾ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਕੰਮ ਕਰਨ ਅਤੇ ਹਰ ਸੰਭਵ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ ਗਿਆ | ਡਾ. ਸਿਮਰਦੀਪ ਕੌਰ ਨੇ ਸੰਸਥਾ ਦੇ ਉਪਰਾਲੇ ਦੀ ਸ਼ਲਾਘਾ ਕੀਤੀ | ਇਸ ਮੌਕੇ ਜੈਮਿਲਾਪ ਦੇ ਸਰਪ੍ਰਸਤ ਝਿਰਮਿਲ ਸਿੰਘ ਭਿੰਡਰ, ਪ੍ਰਧਾਨ ਬਲਵੰਤ ਸਿੰਘ, ਜ਼ਿਲ੍ਹਾ ਸਕੱਤਰ ਮਨੀਸ਼ ਕਾਲੀਆ, ਬਲਾਕ ਸਕੱਤਰ ਹਰਵਿੰਦਰ ਸਿੰਘ ਜੱਸਲ, ਬਲਾਕ ਮੈਂਬਰ ਦੀਪਕ ਬੱਬਰ, ਸੰਦੀਪ ਬਲਦੇਵ, ਪਿ੍ੰਸ ਸੂਦ ਤੇ ਸੰਦੀਪ ਕੁਮਾਰ ਹਾਜ਼ਰ ਸਨ |
