ਵਿਅਕਤੀ ਦੀ ਗੱਡੀ ਠੱਗੀ ਮਾਰ ਕੇ ਲੈ ਜਾਣ ਸੰਬੰਧੀ ਕੇਸ ਦਰਜ
ਅਜੀਤ ਡੈਸਕ
03-06-2026
ਫਗਵਾੜਾ, 2 ਜੂਨ (ਹਰਜੋਤ ਸਿੰਘ ਚਾਨਾ)-ਇਕ ਵਿਅਕਤੀ ਦੀ ਗੱਡੀ ਠੱਗੀ ਮਾਰ ਕੇ ਲੈ ਜਾਣ ਤੇ ਵਾਪਸ ਨਾ ਕਰਨ ਦੇ ਸਬੰਧ 'ਚ ਸਿਟੀ ਪੁਲਿਸ ਨੇ ਇੱਕ ਵਿਅਕਤੀ ਖ਼ਿਲਾਫ਼ ਧਾਰਾ 318(4) ਬੀ.ਐਨ.ਐਸ. ਤਹਿਤ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਸੰਜੀਵ ਕੁਮਾਰ ਪੁੱਤਰ ਰਾਜਪਾਲ ਵਾਸੀ ਰੀਜੈਂਸੀ ਟਾਊਨ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਕਿ ਹਰਜੀਤ ਸਿੰਘ ਨੇ ਸਾਜ਼ਿਸ਼ ਅਧੀਨ ਉਸ ਪਾਸੋਂ 40 ਲੱਖ ਦੀ ਗੱਡੀ ਸਮੇਤ ਬੈਂਕ ਲੋਕ ਖ਼ਰੀਦ ਕਰਨ ਦਾ ਝਾਂਸਾ ਦੇ ਕੇ ਠੱਗੀ ਮਾਰ ਕੇ ਗੱਡੀ ਲੈ ਜਾਣ, ਬੈਂਕ ਦੀਆਂ ਕਿਸ਼ਤਾਂ ਦੇਣ ਤੋਂ ਮੁਕਰਨ ਤੇ ਗੱਡੀ ਵਾਪਸ ਨਾ ਕਰਨ ਤੇ ਲੜਾਈ ਝਗੜਾ ਕੀਤਾ | ਜਿਸ ਦੀ ਸ਼ਿਕਾਇਤ ਉਸ ਵਲੋਂ ਪੁਲਿਸ ਨੂੰ ਦਿੱਤੀ ਜਿਸ ਸਬੰਧ 'ਚ ਪੁਲਿਸ ਨੇ ਹਰਜੀਤ ਸਿੰਘ ਪੁੱਤਰ ਹਰਬੰਸ ਸਿੰਘ ਵਾਸੀ ਗੁਰਬਖ਼ਸ਼ ਨਗਰ ਨੇੜੇ ਅਰੋਮਾ ਪਾਰਕ ਨਵਾਂ ਕੋਟ ਅੰਮਿ੍ਤਸਰ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
