ਮਾਨਸਾ, 26 ਮਾਰਚ (ਰਾਵਿੰਦਰ ਸਿੰਘ ਰਵੀ)-ਬੱਚਿਆਂ ਦੀਆਂ ਬਿਮਾਰੀਆਂ ਦੇ ਮਾਹਿਰ ਡਾ. ਸੁਬੋਧ ਗੁਪਤਾ ਅਤੇ ਸਿਵਲ ਹਸਪਤਾਲ ਮਾਨਸਾ ਵਿਖੇ ਚਮੜੀ ਰੋਗਾਂ ਦੇ ਮਾਹਿਰ ਉਨ੍ਹਾਂ ਦੇ ਪੁੱਤਰ ਡਾ. ਨਿਸ਼ਾਂਤ ਗੁਪਤਾ ਦਾ ਨਾਂਅ ਗਿੰਨੀਜ਼ ਆਫ਼ ਬੁੱਕ 'ਚ ਦਰਜ ਹੋਵੇਗਾ | ਨੈਸ਼ਨਲ ਬੋਰਡ ਆਫ਼ ਪ੍ਰੀਖਿਆ ਨਵੀਂ ਦਿੱਲੀ ਵੱਲੋਂ ਕਰਵਾਏ ਗਏ ਸਮਾਗਮ 'ਚ ਮਸਨੂਈ ਸਮਝ ਰਾਹੀਂ ਮੈਡੀਕਲ ਖੇਤਰ 'ਚ ਹੋਣ ਵਾਲੇ ਇਲਾਜ ਸਬੰਧੀ ਪਿਉ-ਪੁੱਤ ਨੇ ਸਰਟੀਫਿਕੇਟ ਹਾਸਲ ਕਰ ਕੇ ਇਹ ਪ੍ਰਾਪਤੀ ਹਾਸਲ ਕੀਤੀ ਹੈ | ਇਸ ਸਮਾਗਮ 'ਚ ਦਿੱਲੀ, ਪੰਜਾਬ, ਕੇਰਲਾ, ਪੱਛਮੀ ਬੰਗਾਲ, ਮਹਾਰਾਸ਼ਟਰ ਆਦਿ ਦੇ ਚੋਣਵੇਂ ਡਾਕਟਰਾਂ ਅਤੇ ਮੈਡੀਕਲ ਖੋਜ ਦੇ ਖੇਤਰ 'ਚ ਕੰਮ ਕਰਨ ਵਾਲੇ ਵਿਗਿਆਨੀਆਂ ਨੇ ਹਿੱਸਾ ਲਿਆ ਸੀ | ਗੱਲਬਾਤ ਕਰਦਿਆਂ ਉਨ੍ਹਾਂ ਦੱਸਿਆ ਕਿ ਮਨੁੱਖ ਦੇ ਇਲਾਜ ਵਿਚ ਏ.ਆਈ ਕਿੱਥੇ ਸੰਭਵ ਅਤੇ ਕਿੱਥੇ ਅਸੰਭਵ ਹੈ, ਇਸ ਰਾਹੀਂ ਕੀਤਾ ਗਿਆ ਇਲਾਜ ਕਿੰਨਾ ਕੁ ਦਰੁਸਤ ਹੈ, ਸਬੰਧੀ ਸਮਾਗਮ 'ਚ ਵਡਮੁੱਲੀ ਜਾਣਕਾਰੀ ਦਿੱਤੀ ਗਈ ਹੈ |