ਗਿੱਦੜਬਾਹਾ, 23 ਜਨਵਰੀ (ਪਰਮਜੀਤ ਸਿੰਘ ਥੇੜ੍ਹੀ)-ਜੇ.ਐੱਨ.ਜੇ. ਡੀ.ਏ.ਵੀ. ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ ਗਿੱਦੜਬਾਹਾ ਦੀ ਹੋਣਹਾਰ ਕਿ੍ਕਟ ਖਿਡਾਰਣ ਜਪਨੀਤ ਕੌਰ ਨੇ ਪੰਜਾਬ ਕਿ੍ਕਟ ਐਸੋਸੀਏਸ਼ਨ ਜੋ ਕਿ ਬੋਰਡ ਆਫ਼ ਕੰਟਰੋਲ ਫਾਰ ਕਿ੍ਕਟ ਇੰਨ ਇੰਡੀਆ ਦੇ ਅਧੀਨ ਹੈ, ਦੀ ਅੰਡਰ-15 ਲੜਕੀਆਂ ਦੀ ਟੀਮ ਵਿਚ ਆਪਣੀ ਜਗ੍ਹਾ ਬਣਾਈ ਹੈ | ਜ਼ਿਕਰਯੋਗ ਹੈ ਕਿ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੀਆਂ ਦੋ ਖਿਡਾਰਨਾਂ ਨੇ ਪੰਜਾਬ ਦੀ ਟੀਮ ਵਿਚ ਸਥਾਨ ਹਾਸਿਲ ਕੀਤਾ ਸੀ, ਜਿਸ ਵਿਚੋਂ ਜੇ.ਐੱਨ.ਜੇ. ਡੀ.ਏ.ਵੀ. ਸਕੂਲ ਗਿੱਦੜਬਾਹਾ ਦੀ ਵਿਦਿਆਰਥਣ ਤੇ ਡੀ.ਏ.ਵੀ. ਕਿ੍ਕਟ ਅਕੈਡਮੀ ਦੀ ਖਿਡਾਰਨ ਜਪਨੀਤ ਕੌਰ ਹੈ | ਜਪਨੀਤ ਕੌਰ ਨੇ ਇਸ ਪ੍ਰਾਪਤੀ ਲਈ ਆਪਣੇ ਪਰਿਵਾਰ, ਸਕੂਲ ਕੋਚ ਗਗਨਦੀਪ ਸਿੰਘ ਦੀ ਬਿਹਤਰੀਨ ਕੋਚਿੰਗ ਅਤੇ ਸਕੂਲ ਵਲੋਂ ਕ੍ਰਿਕਟ ਲਈ ਪ੍ਰਦਾਨ ਕੀਤੀਆਂ ਜਾਣ ਵਾਲੀਆਂ ਸਹੂਲਤਾਂ ਨੂੰ ਦਿੱਤਾ ਹੈ | ਦੂਜੇ ਪਾਸੇ ਕ੍ਰਿਕਟ ਕੋਚ ਗਗਨਦੀਪ ਸਿੰਘ ਨੇ ਕਿਹਾ ਕਿ ਇਹ ਸਭ ਜਪਨੀਤ ਕੌਰ ਦੀ ਅਣਥੱਕ ਮਿਹਨਤ ਦਾ ਨਤੀਜਾ ਹੈ ਕਿ ਇਸ ਖਿਡਾਰਨ ਨੇ ਪੂਰੇ ਪੰਜਾਬ ਦੀਆਂ ਅੰਡਰ-15 ਖਿਡਾਰਨਾਂ ਦੇ ਲੱਗੇ ਦੋ ਕੈਂਪਾਂ ਵਿਚ ਕੁੱਲ ਸਿਲੈਕਟ ਹੋਈਆਂ 50 ਖਿਡਾਰਨਾਂ ਨੂੰ ਪਛਾੜਦੇ ਹੋਏ ਪੰਜਾਬ ਕਿ੍ਕਟ ਐਸੋਸੀਏਸ਼ਨ ਦੀ ਅੰਡਰ-15 ਲੜਕੀਆਂ ਦੀ ਟੀਮ ਵਿਚ ਆਪਣੀ ਜਗ੍ਹਾ ਬਣਾਈ ਅਤੇ ਹੋਏ ਮੈਚਾਂ ਵਿਚ ਬਿਹਤਰੀਨ ਪ੍ਰਦਰਸ਼ਨ ਕੀਤਾ | ਅੱਜ ਸਕੂਲ ਪੁੱਜਣ 'ਤੇ ਪਿ੍ੰ. ਗੁਰਦਾਸ ਸਿੰਘ ਮਾਨ ਨੇ ਇਸ ਹੋਣਹਾਰ ਖਿਡਾਰਨ ਦੀ ਹੌਸਲਾ ਅਫ਼ਜਾਈ ਕਰਦਿਆਂ ਉਸ ਦਾ ਮੂੰਹ ਮਿੱਠਾ ਕਰਵਾ ਕੇ ਵਧਾਈ ਦਿੱਤੀ | ਇਸ ਮੌਕੇ ਸਕੂਲ ਦਾ ਸਮੂਹ ਸਟਾਫ਼ ਹਾਜ਼ਰ ਸੀ |
