ਜਲੰਧਰ, 8 ਮਈ ਹਲਕਾ ਵੈਸਟ ਵਿਧਾਨ ਸਭਾ ਦੀ ਸੀਨੀਅਰ ਆਮ ਆਦਮੀ ਪਾਰਟੀ ਆਗੂ ਬਲਬੀਰ ਕੌਰ ਨੇ ਦੱਸਿਆ ਕਿ ਸ਼ਾਮ 7 ਵਜੇ ਤੋਂ ਬਾਅਦ ਬਸਤੀ ਬਾਵਾ ਖੇਲ੍ਹ ਜਿੱਥੇ ਕਿ ਸਬਜ਼ੀ ਮੰਡੀ ਲੱਗਦੀ ਹੈ, ਸ਼ਾਮ ਨੂੰ ਹਨੇਰੇ ਵਿਚ ਡੁੱਬ ਜਾਂਦੀ ਹੈ | ਨਗਰ ਨਿਗਮ ਨੂੰ ਚਾਹੀਦਾ ਹੈ ਕਿ ਇਹ ਕਾਫੀ ਜ਼ਿਆਦਾ ਆਵਾਜਾਈ ਵਾਲਾ ਰੋਡ ਹੈ ਤੇ ਕਈ ਇਲਾਕਿਆਂ ਨੂੰ ਦੋਵੇਂ ਪਾਸੇ ਸੜਕਾਂ ਜੁੜਦੀਆਂ ਹਨ | ਜੋ ਕਿ ਵਿਚਕਾਰ ਨਹਿਰ ਹੈ | ਜਿਹੜੀ ਖੱਬੇ ਹੱਥ ਹੈ ਅਤੇ ਜਿੱਥੇ ਮੱਛੀ ਮਾਰਕੀਟ ਜਾਂ ਸਬਜ਼ੀ ਮੰਡੀ ਲੱਗਦੀ ਹੈ | ਉਹ ਵੀ ਰਾਤ ਦੇ ਵੇਲੇ ਹਨੇਰੇ ਵਿਚ ਡੁੱਬ ਜਾਂਦੀ ਹੈ | ਪਰਲੀ ਸਾਈਡ ਜਿਸ ਨੂੰ ਸੱਜਾ ਪਾਸਾ ਕਹਿੰਦੇ ਹਨ | ਉੱਥੇ ਵੀ ਕੁੱਝ ਲਾਈਟਾਂ ਚੱਲਦੀਆਂ ਹਨ ਤੇ ਕਈ ਜਗਾ ਉਹ ਇਲਾਕੇ ਵੀ ਹਨੇਰੇ ਵਿਚ ਡੁੱਬ ਜਾਂਦੇ ਹਨ | ਬਲਬੀਰ ਕੌਰ ਦਾ ਕਹਿਣਾ ਸੀ ਕਿ ਰਾਤ ਨੂੰ ਲੁੱਟਾਂ ਖੋਹਾਂ ਦਾ ਖ਼ਤਰਾ ਬਣਿਆ ਰਹਿੰਦਾ ਹੈ | ਨਿਗਮ ਨੂੰ ਚਾਹੀਦਾ ਹੈ ਕਿ ਜਿਹੜੀਆਂ ਖ਼ਰਾਬ ਲਾਈਟਾਂ ਹਨ, ਉਨਾਂ ਨੂੰ ਠੀਕ ਕਰਵਾਇਆ ਜਾਵੇ ਅਤੇ ਕਈ ਥਾਵਾਂ 'ਤੇ ਨਵੀਆਂ ਲਾਈਟਾਂ ਲਗਵਾਈਆਂ ਜਾਣ | ਲੋਕਾਂ ਨੂੰ ਲੰਘਣ ਵੇਲੇ ਤਾਂ ਪ੍ਰੇਸ਼ਾਨੀ ਆਉਂਦੀ ਹੈ ਸਗੋਂ ਕਈ ਬਾਰ ਬੱਚਿਆਂ, ਮਹਿਲਾਵਾਂ ਲਈ ਤਾਂ ਰਾਤ ਨੂੰ ਜਾਣ ਮੌਕੇ ਵੱਡੀ ਪੇ੍ਰਸ਼ਾਨੀ ਆਉਂਦੀ ਹੈ | ਮੇਅਰ ਵਨੀਤ ਧੀਰ ਤੋਂ ਉਨਾਂ ਨੇ ਮੰਗ ਕੀਤੀ ਕਿ ਇਹ ਸਮੱਸਿਆ ਜਲਦੀ ਹੱਲ ਕਰਵਾ ਕੇ ਲੋਕਾਂ ਨੂੰ ਰਾਹਤ ਦਿੱਤੀ ਜਾਵੇ |
