ਜਲੰਧਰ, 16 ਅਪ੍ਰੈਲ (ਡਾ.ਜਤਿੰਦਰ ਸਾਬੀ)- ਰੈਸਲਿੰਗ ਫੈਡਰੇਸ਼ਨ ਆਫ ਇੰਡੀਆ ਵਲੋਂ ਭਿਲਾਈ ਦੇ ਦੁਰਗ ਵਿਖੇ ਕਰਵਾਈ ਗਈ ਨੈਸ਼ਨਲ ਫਰੀ ਸਟਾਈਲ ਗਰੀਕੇ ਰੋਮਨ ਰੈਸਲਿੰਗ ਚੈਂਪੀਅਨਸ਼ਿਪ ਦੇ 77 ਕਿੱਲੋ ਭਾਰ ਵਰਗ 'ਚੋਂ ਜਲੰਧਰ ਦੇ ਪਹਿਲਵਾਨ ਰਣਜੀਤ ਸਿੰਘ ਸਪੁੱਤਰ ਜਰਨੈਲ ਸਿੰਘ ਨੇ ਚਾਂਦੀ ਦਾ ਤਗਮਾ ਜਿੱਤਿਆ | ਰਣਜੀਤ ਸਿੰਘ ਨੇ ਹੰਸ ਰਾਜ ਸਟੇਡੀਅਮ ਦੇ ਰੈਸਲਿੰਗ ਸੈਂਟਰ ਵਿਖੇ ਕੋਚ ਰਣਜੀਤ ਤੇ ਕੋਚ ਸੁਭਾਸ਼ ਕੋਲੋਂ ਸਿਖਲਾਈ ਲੈ ਕੇ ਇਹ ਮਾਣਮੱਤੀ ਪ੍ਰਾਪਤੀ ਹਾਸਲ ਕੀਤੀ ਹੈ | ਇਸ ਮੌਕੇ ਸ਼ਿਵਮ ਪਨਸਾਰੀ ਤੇ ਅਵਤਾਰ ਵਿਰਦੀ ਤੇ ਕੋਚ ਸੋਮਨਾਥ ਨੇ ਵੀ ਰਣਜੀਤ ਸਿੰਘ ਦੀ ਇਸ ਪ੍ਰਾਪਤੀ 'ਤੇ ਵਧਾਈ ਦਿੱਤੀ |
